Víðförli - 01.11.1954, Síða 68

66
VÍÐFÖRLI
hversu raikilsvirði þessi aðstoð var. Þó vitum við það, að
enn þann dag er fátt sem megnar að draga eins mikið
úr kvíða, hræðslu og hugarangri sjúklinga, sem ávallt eru
til staðar í mismunandi ríkum mæli, eins og auðsýnd vin-
átta og raunveruleg, einlæg og fordómalaus velvild. Návist
vinveittra manns, sem lætur sér annt um hagi sjúklings og
sýnir honum með því áhuga fyrir velferð hans, getur stuðl-
að mikið að afturbata, jafnvel þó að fá eða engin orð séu
ti'luð. Þörf manna til þess að tjá sig og veita tilfinningum
sínum útrás er oftast nær mun meiri en þörfin á fyrirlestr-
um, fortölum og góðum ráðleggingum. Að því miða einkum
skriftamálin og skyldar aðferðir, sem notaðar eru við ýms-
ar tau'ga- og geðlækningar.
Eftir því sem þjónusta presta við messugjörðir, sálgæzlu,
húsvitjanir og önnur prestsstörf urðu fjölþættari, jafnframt
því sem tæknileg og fræðileg kunnátta lækna jókst, varð
það sífellt erfiðara fyrir sama manninn að nema bæði störf-
in og stunda þau. Enn þann dag í dag eru samt nokkrir
trúboðsprestar, sem einnig hafa numið læknislistina og
jarnvel fleiri listir og má benda á Albert Schweizer, sem
frægastur er í því sambandi
Hins vegar eru störf presta og lækna víða mjög samofin
og kunningsskapur og samvinna þeirra náin. Kynni þeirra
hefjast oft í skólum þar sem þeir eru bekkjar- eða skóla-
bræður. Iðulega eru prestar læknasynir eða læknar presta-
synir, eða skyldir á annan hátt. Sameiginlega eru þeir við-
staddir hingaðkomu og brottför manna, við fæðingu og
skírn, dauða og greftrun. Þeir eru oft þátttakendur í mestu
sorgar-, reynslu- og gleðistundum í lífi manna, enda hljóta
þeir að launum þá hugarrósemi, víðsýni og umburðarlyndi,
sem skapast af nánum kynnum við fjölda fólks og örlög
þess. Víðtæk undirbúningsmenntun á líka að geta gert sitt