Árbók Hins íslenzka fornleifafélags - 01.01.1988, Blaðsíða 54
58
ÁRBÓK FORNLEIFAFÉLAGSINS
Brunabjargs. Framan í Beruhól eru tveir kálgarðar (38 og 39). Pann
stærri hlóð Þorvarður Gíslason, faðir Gísla bónda, um 1910-12, hinn er
yngri. Við eystra hornið á minni garðinum, niðri í mýrinni, er Lifandi-
brunnur (9), varavatnsból, sem aldrei þraut.
Sléttan niðri undir hliðinu, þar sem farið er niður í Selavog (sjá síðar),
heitir Stöðulslétta (10), en á sléttunni neðan við hliðið voru kýr mjólk-
aðar og heitir þar Stöðull (11).
Barð (12) heitir norðan við bæinn, en Litlihóll (13) smáhóll nyrst í
túninu. Ásgrímshóll (14) heitir hár grasigróinn klettahóll norðaustan við
bæinn, og sunnan og vestan við hann voru rústir, ef til vill af hjáleigu,
en Völvuhóll(\E>y7 er norðaustast í túninu, austur við girðinguna. Gísli
bóndi Þorvarðarson vildi aldrei láta hreyfa við honum, en sléttaði allt
í kringum hann, að sögn Gústafs sonar hans. Bali (16) heitir frammi á
bæjarhlaðinu, þar sem veðurathugunartækin eru nú (1967).
Til þess að skoða sig um í Papey, er best að ganga umhverfis eyna.
Suðvestur frá bænum er annar aðalvogur eyjarinnar, Selavogur (17),
önnur aðalhöfn eyjarinnar.18 Hann er nokkuð langur, en frekar
þröngur. Fyrir botni hans norðan megin er gott uppsátur, en sunnan
megin er skonsa, sem Gonta (18) heitir, þægilegur lendingarstaður fyrir
smábáta. Skammt utanvið hana er nef, sem Árnanef (19) heitir, en
norðan megin í vognum er klöpp, sem bátar (allt að 20 smálestir) geta
lagst við. í Selavogi er kringlótt tóft (15). í henni var súrsaður þari eftir
frostaveturinn 1918. Þar eru einnig bátanaust (13 og 14), rúst af geymslu-
húsi (12) og gamalt bátaspil (8. mynd).
Upp af Árnanefi er dálítil hæð og á henni stæðilegar tóftir (8—11).
Sunnan Selavogs er Hjallatangi (20). Nokkru austar eru smáhólar, sem
heita írskuhólar (21).
Suður af írskuhólum er grunn og skerjótt vík, sem heitir Hádegisvík
(22). Fyrir hálfu mynni hennar er langt sker, sem heitir Hádegissker (23).
Austan til á því er skora, gamalt hádegismark. Austan við Hádegisvík
tekur við langur klettahryggur með lægð í miðju. Heitir hann Hrafna-
björg (24) Eystri (25) og Vestri (26) og er lægðin eða skarðið á milli
17. Eða Völvuleiði, sbr. Flalldór Stefánsson og Eiríkur Sigurðsson 1951, bls. 44, en ekki
cr vitað um heimild fyrir þessu afbrigði nafnsins.
18. Lawenorn kallar hann Filevog og Daniel Bruun tekur það eftir honum, en þetta er
bersýnilega rangt, því að Olavius kallar hann Selavog. Þetta nafn, Filcvog, sést einnig
á sjókorti frá 1898. Mætti hugsa sér, að nafngiftin hér hafi ruglast saman við Filcvog
sem á kortinu sést uppi á landi næst Papey, en þar fór verslun fram áður en hún flutt-
ist á Djúpavog.