Árbók Hins íslenzka fornleifafélags - 01.01.1988, Blaðsíða 144

148
ÁRBÓK FORNLEIFAFÉLAGSINS
44. mynd. Hellulögn í dyrum í Godatættum II. - Fig. 44. Paved entrance in Goðatœttur II.
því sem næst varð komist, en þessi mál eru ekki eins nákvæm. Petta
einkenni er þó hafið yfir allan vafa. Bakveggur er að vísu að heita má
beinn, en framveggur talsvert mikið bogadreginn.
Dyrnar eru á norðausturvegg norðarlega, þannig að þegar inn er
komið er nær helmingi lengra frá dyrum inn í suðurgafl en norðurgafl.
Dyrnar eru lagðar völdum hellum stórum, og nær hellulögnin vel inn
úr dyrum og eins fram úr þeim, þar sem einkum eru tvær mjög stórar
hellur og þvert framan við þær langur steindrjóli, vel fallinn til að fóta
sig á (44.mynd). Þessi ummerki eru öll mjög skýr.
Gólf hússins er hæst þar sem komið er inn úr dyrum og má heita
sæmilega lárétt þar á nokkru svæði, en hallar síðan mikið til beggja
enda. Þetta er citt hið einkennilegasta við húsið. Hallinn er nokkuð jafn,
en þó er brattast þar sem hallar norður af. Á 4 m bili frá dyrasvæðinu
og suður í gafl er hallinn 20 sm, en á 9 m bili frá dyrasvæðinu og
norður í gafl er hæðarmunur allt að 90 sm. Engin ástæða er til að ætla
að sóst hafi verið eftir þessum mikla halla á gólfinu, heldur er hann
afleiðing af grunni hússins. Á stóru svæði um mitt húsið kemur klöppin
upp úr, og má það furðu gegna, að menn hafa kært sig kollótta þó að
ber klöppin skyti hnjótum upp úr gólfinu hér og hvar. Gólfaskan lá
víða ofan á sjálfu berginu og gólfhallinn fylgir í stórum dráttum halla
þess suður og norður af. Það er þó'einkanlega inn og norður af dyrum
og skáhallt yfir í bakvegg fyrir aftan eldstæðið að glittir í nakta klöpp-