Árbók Hins íslenzka fornleifafélags - 01.01.1988, Blaðsíða 227
SKÝRSLA UM ÞJÓÐMINJASAFNIÐ 1988
231
innan safns og utan, og eru þau hvergi nærri tíunduð heldur aðeins
getið hins helzta.
Myndadeild. 50 færslur voru skráðar í aðfangabók til myndadeildar og
má sérstaklega nefna myndir úr búi sr. Einars Friðgeirssonar á Borg,
gef. Aðalbjörg Skúladóttir; skuggamyndasafn, aðallega norðlenzkar
myndir frá fyrstu áratugum aldarinnar, gef. Ragnhild Bondevik, Noregi;
tvær gamlar og merkilegar Reykjavíkurmyndir, gef. Selma Nathan, Dan-
mörku; myndir úr dánarbúi Oscars Clausens, gef. Örn Clausen, og
olíumynd af Gísla Brynjúlfssyni skáldi, keypt á uppboði í Danmörku.
Á árinu var flutt í safnið mikil viðbót við það sem fyrir var af plötu-
safni Lofts Guðmundssonar ljósmyndara.
Ágúst Georgsson fil. kand. vann áfram um sumarið og fram á liaust
að skráningu og könnun ljósmyndasafns Guðbjarts Ásgeirssonar fyrir fé
úr Þjóðhátíðarsjóði. Er skráning safnsins nú langt komin.
Lánaðar voru út á árinu 900 myndir ýmist til birtingar eða einkanota.
Tekið er nú gjald fyrir myndir, sem lánaðar eru til auglýsingagerðar eða
birtingar í bókum, en innheimta gengur þó treglega. Virðist sumum
sjálfsagt, að safnið láti alla sína þjónustu af hendi ókeypis.
Margrét Ingólfsdóttir forvörður gekk að fullu frá 7 myndum eftir
Sæmund Hólm og 5 eftir Sigurð Guðmundsson.
Textíl- og búningadeild. Af hálfu deildarinnar var unnið að því að fá og
setja upp sýninguna Gallabuxur — og gott betur, en í sambandi við þá
sýningu flutti Inga Wintzell frá Svíþjóð tvö erindi, í safninu og Nor-
ræna húsinu um sögu gallabuxna og sögu prjóns í Svíþjóð.
Elsa E. Guðjónsson deildarstjóri flutti erindi og átti viðtöl í útvarpi
og í ýmsum félögum. Einnig vann hún að undirbúningi og uppsetningu
ýmissa sýninga safnsins. Elsa tók einnig saman kynningarrit um deild-
ina, Textíl- og búningadeild Þjóðminjasafns íslands. Um starfsemina 1963-
88, þar sem greint er frá starfi á þessu sviði þennan tíma.
Textílgeymslur voru fluttar um stundarsakir upp á aðra hæð, sett-
ar nýjar geymsluhillur og gengið vel frá klæðnaði og öðru því sem til-
heyrir.
Bókasafn. í bókasafni Þjóðminjasafnsins er nú lauslega áætlað að séu
8100 skráðar bækur. Ritauki ársins er um 1300 bækur og þar af ríflega
1000 gjafabækur vegna afmælis safnsins. Fjöldi tímaríta er áætlaður
1600—1800 bindi, ef bundin væru. Langflest eru fengin sem skiptarit,
eða alls 150, keypt eru um 50. Lauslega má ætla, að í safninu séu um
300 tímarit. Verið er að endurskrá safnið.