Ársrit Hins íslenska fræðafjelags í Kaupmannahöfn - 01.01.1923, Page 144

44
Joseph Calasanz Poestion
framdar um öll Norðurlönd af miklu kappi bæði af sjerfræð-
íngum og öðrum. f’að er full ástæða til, að vjer Íslendíngar
drögumst inn í hópinn og söfnum vorum nöfnum og rann-
sökum þau. En getgátur þess kyns, sem jeg hef hjer vítt.
ættu menn að kosta kapps um að leiða hjá sjer. Aftur er
ekkert á móti því að koma fram með þess konar skýríngar-
tilraunir, sem höf. hefur sett fram um nafnið Kúskerpi; jeg
held nú að hún sje röng, en hún er verð þess að athugast.
Finnur Jónsson.
Joseph Calasanz Poestion, hinn austurríski íslandsvinur,
andaðist 4. maí 1922 og var þá langt kominn á 69. árið.
1885 varð hann kunnur á íslandi, því að það ár gaf hann
út allstóra bók um ísland, lýsingu á landi og þjóð. Hann
var þá 32 ára og hafði eigi komið til landsins. Bók þessa
ritaði hann eftir lýsingu íslands ágripi Thoroddsens og hinni
stóru íslands lýsingu Kristians Kaalunds og ýmsum öðrum
bókum, bæði íslenskum og útlendum. Rit þetta er furðu
gott. En langbesta og merkasta rit Poestions er slslándische
Dichter der Neuzeit«, um höfuðskáld íslands frá því á
17. öld og með löngum og fróðlegum inngangi um bókmentir
íslands eftir siðaskiftin. f’að er að mörgu leyti ágætt rit og
hið besta, sem enn hefur komið út um nýjar íslenskar bók-
mentir. Rit þetta kom út 1897, en 7 árum síðar gaf hann
út »Eislandblúten«, vandað safn af þýðingum á íslenskum
ljóðum, og 1912 bók um Steingrím Thorsteinsson. Þetta
eru hin helstu rit Poestions um Island. En hann þýddi líka
»Pilt og stúlku« og ritaði margar greinar um íslenskar bók-
mentir og bækur. Hann þýddi og ýms dönsk og norsk
skáldrit. Hann var hinn mesti iðjumaður og var óþreytandi
að skrifa íslendingum og leita upplýsinga hjá þeim. Af því
að engin ný-íslensk orðabók var til, hafði hann þá venju að
rita upp öll þau orð og setningar, sem hann skildi ekki, og
senda síðan íslendingum með bæn um að þýða þau. Hann
byrjaði á því þegar 1882 og hjelt því áfram í full 30 ár.
Þýddi t. a. m. Steingrímur Thorsteinsson og Hallgrímur Mel-
steð margt fyrir hann á þennan hátt.
Poestion var fæddur 7. júní (eða júlí?) 1853 t Aussee í
Steiermark og gekk í skóla í Graz og í Wien, og lagði
snernma stund á norðurlandamál og á grískar bókmentir.
Hann var bókavörður við bókasafn innanríkisráðaneytisins 1
Wien. Eftir að hann náði fullum þroska gaf hann sig mest
að íslenskum bókmentum, og vann íslandi mikið gagn með
því að breiða út þekkingu á bókmentum vorum frá hinum