Andvari - 01.01.2003, Síða 54

52
SIGURÐUR PÉTURSSON
ANDVARI
mótlætið í bæjarstjómarkosningunum, hélt hann ótrauður áfram og
fékk nokkra uppreisn er hann fór í framboð fyrir Alþýðuflokkinn í
Norður-ísafjarðarsýslu um sumarið.
Næst þegar kosið var til bæjarstjómar árið 1950 var Hannibal orðinn
þingmaður. Alþýðuflokksmenn ákváðu að setja hann í baráttusætið, það
fimmta. Ekki gekk það að óskum, þar sem úrslitin urðu þau sömu og
við kosningarnar á undan: Alþýðuflokkur og Sjálfstæðisflokkur hlutu
fjóra fulltrúa hvor og Sósíalistaflokkurinn einn. Alþýðuflokksmenn
vom áfram í minnihluta. í apríl árið eftir skildi hinsvegar leiðir með
sjálfstæðismönnum og sósíalistum á Isafirði og Alþýðuflokkurinn
komst aftur í meirihluta með aðstoð bæjarfulltrúa sósíalista.71 Beinum
afskiptum Hannibals af bæjarmálum var þá lokið þó að hann ætti eftir
að bjóða sig fram til alþingis í kaupstaðnum skömmu síðar.
6. Ritstjórinn
Allt frá því að Hannibal Valdimarsson kom heim frá námi í Danmörku
árið 1927 lét hann að sér kveða á opinberum vettvangi. Hér á undan var
nokkuð lýst fyrstu skrifum hans um skólamál árin 1927-1928. Um sama
leyti kom út þýðing hans á unglingabókinni Gunnar eftir danska rithöf-
undinn Gunnar Jörgensen og árið 1941 kom út í þýðingu hans smá-
sagnasafnið Sex sögur. Hannibal hafði alla tíð mikinn áhuga á menningu
og bókmenntum nágrannaþjóðanna, einkum Dana. Þegar hann fluttist til
ísafjarðar 1931 og tók að starfa að verkalýðs- og stjómmálum varð hann
fljótlega einn helsti penni vikublaðsins Skutuls á Isafirði.
Skutull var stofnaður af séra Guðmundi Guðmundssyni forstjóra
Bökunarfélags ísfirðinga árið 1923 sem málgagn jafnaðarmanna,
verkalýðshreyfingar, samvinnufélaga og bindindis. Gaf hann blaðið út
fyrstu árin en afhenti það verkalýðsfélögunum árið 1928. Verklýðs-
samband Vesturlands, síðar Alþýðusamband Vestfjarða, varð útgefandi
Skutuls upp frá því.
Rík hefð var fyrir blaðaútgáfu á ísafirði allt frá því að Skúli Thor-
oddsen gaf út Þjóðviljann og síðar Þjóðviljann unga á ísafirði frá árinu
1886. Arið 1901 hófu borgarar á ísafirði útgáfu vikublaðsins Vestra,
sem varð í fararbroddi ísfirskra blaða allt fram í fyrri heimsstyrjöld. Þá
hóf fyrmefndur Guðmundur Guðmundsson, uppgjafaprestur úr Gufu-
dalssveit, útgáfu blaðsins Njarðar, sem studdi bindindishreyfinguna,