Andvari - 01.01.2003, Síða 61

andvari
HANNIBAL VALDIMARSSON
59
manna, í kringum árið 1948.82 Niðurstaða stjórnarkreppunnar varð sú
að Stefán Jóhann Stefánsson formaður Alþýðuflokksins myndaði
þriggja flokka stjóm með Sjálfstæðisflokki og Framsóknarflokki. Var
það kallað að lýðræðisflokkarnir hefðu tekið höndum saman. Sósíal-
istaflokkurinn var einn í stjórnarandstöðu, þó segja mætti að Hannibal
°g Gylfi, sem voru í forystu vinstri armsins eftir lát Jóns Blöndals,
hafi einnig verið í andstöðu við stefnu stjómarinnar í veigamiklum
málum.
Arið 1949 varð ísland eitt af stofnríkjum Atlantshafsbandalagsins
undir forystu ríkisstjórnar Stefáns Jóhanns. Andstaða var gegn málinu
bæði innan Alþýðuflokksins og Framsóknarflokksins, en meirihluti
þingmanna beggja flokka auk Sjálfstæðisflokksins samþykkti inn-
gönguna þann 30. mars. Um sama leyti var stofnað landsmálafélagið
Þjóðvöm, þar sem andstæðingar bandarískrar hersetu og aðildar að
Atlantshafsbandalaginu úr ýmsum flokkum og utan flokka stilltu
saman strengi sína. Þjóðvöm var undanfari Þjóðvamarflokksins sem
bauð fram til Alþingis árið 1953 og fékk tvo menn lg'öma. Hannibal og
Gylfi tóku þátt í störfum félagsins árið 1949. A miðstjórnarfundi
Alþýðuflokksins var ráðist harkalega að þeim fyrir að tengjast félag-
inu. Var þeim nánast stillt upp að vegg og látnir velja á milli flokksins
°g Þjóðvamar.83 Vestur á ísafirði kom stjóm Félags Alþýðuflokksins
saman. Þar lagði Sigurður Guðmundsson bakari (bróðir Haralds Guð-
'Tiundssonar) fram tvær tillögur, sem báðar voru samþykktar með
öllum atkvæðum og niðurstaðan tilkynnt formanni flokksins og Hanni-
bal Valdimarssyni. Tillögurnar voru þessar:
1. „Fundurinn skorar á Hannibal Valdemarsson að segja sig úr Þjóðvarnar-
félaginu."
2. „Fundur stjómar Alþýðuflokksfélags ísafjarðar haldinn 24. maí 1949
telur að miðstjóm Alþýðuflokksins beri að ráðfæra sig við Alþýðuflokk-
inn hér og taka til greina tillögur hans áður en miðstjómin tekur þýðing-
armiklar ákvarðanir um afstöðu flokksins til Hannibals Valdemarsson-
ar.“84
^ aðalfundi félagsins viku síðar kom í Ijós að Hannibal átti trausta
stuðningsmenn heima í héraði, því hann var kosinn formaður félagsins
með 40 atkvæðum, en Guðm. Lúðvígsson hlaut 23 atkvæði. Miklar
umræður urðu á fundinum fyrir og eftir formannskosningu og Jónas
fómasson bóksali og tónskáld, einn af eldri flokksmönnum, lét í ljós