Andvari - 01.01.2003, Side 68

66
SIGURÐUR PÉTURSSON
ANDVARl
Ljóst er af fundargerðinni að Hannibal er meðal samherja á fund-
inum á Isafirði, þó að hann sé kominn í andstöðu við ráðandi öfl innan
Alþýðuflokksins: Fallinn formaður og burtrekinn ritstjóri. Margir
töldu að pólitískur ferill hans væri á enda.
✓
Forseti Alþýðusambands Islands
Hannibal hafði aukið traust sitt í verkalýðshreyfingunni meðan hann
var formaður Alþýðuflokksins. Verkalýðsleiðtoginn að vestan hafði
staðið framarlega í víðtækum verkföllum haustið 1952 þar sem sam-
vinna var náin með sósíalistum og krötum í verkalýðshreyfingunni.
Nokkrum vikum eftir að Hannibal var niðurlægður á flokksþingi
Alþýðuflokksins reis hann tvíefldur á þingi Alþýðusambandsins.
Þegar kosið var til þings Alþýðusambandsins haustið 1954 höfðu
sósíalistar og alþýðuflokksmenn víða um land samvinnu um fulltrúa-
kjör, en annarsstaðar reyndu alþýðuflokksmenn að einangra sósíalista
eins og árin á undan. Mikil gerjun átti sér stað innan flokksins og
markalínur voru óljósar. Uppgjörið varð á þingi ASI. Þar myndaðist
nýr meirihluti sósíalista og stuðningsmanna Hannibals úr Alþýðu-
flokknum. Þegar samstarf vinstri arms Alþýðuflokksins og sósíalista
var í uppsiglingu á þinginu kom tilboð frá Sjálfstæðisflokknum um að
Alþýðuflokkurinn fengi að skipa alla sambandsstjómina gegn því að
slíta öllu samstarfi við sósíalista. Reyndi forysta Alþýðuflokksins að fá
fulltrúa flokksins á þinginu til að samþykkja þá línu, en Hannibal og
stuðningsmenn hans höfnuðu því og sömdu við sósíalista um valda-
hlutföll í stjórn Alþýðusambandsins. Hannibal varð forseti ASÍ.
Næsta ár varð sársaukafullt uppgjör í Alþýðuflokknum. Hannibal og
stuðningsmenn hans stofnuðu Málfundafélag jafnaðarmanna og hófu
útgáfu blaðsins Landsýnar. Alfreð Gíslason læknir og annar af tveimur
bæjarfulltrúum Alþýðuflokksins í Reykjavík var ábyrgðarmaður blaðs-
ins. I ársbyrjun 1955 tók hann upp samstarf við fulltrúa sósíalista í
bæjarstjórn Reykjavíkur um kosningu í nefndir á meðan hinn fulltrúi
flokksins átti samstarf við Framsóknarflokkinn. Af þessu leiddi að full-
trúaráð Alþýðuflokksins í Reykjavík samþykkti áskorun til Alfreðs um
að afsala sér tímabundið bæjarfulltrúasætinu og hætta afskiptum af
Landsýn og Málfundafélaginu. Að öðrum kosti skyldi hann víkja úr
flokknum. Haraldur Guðmundsson formaður flokksins stóð fyrir til-
lögunni.97 Byrjað var að reka menn úr flokknum fyrir óhlýðni við nýja