Andvari - 01.01.1924, Page 19
Andvari
Torfi Bjarnason
17
um, og það þar að auki endurgjaldslaust. En svo ósjer-
plæginn var Torfi og svo mikið áhugamál var honum
að koma búnaðarframförunum á nokkurn rekspöl, að
hann horfði ekki í það. Má það heita einsdæmi. Var
þó við mikla örðugleika að stríða í byrjun um bóka-
kost, þar eð hvorki var til bókasafn nje neinar kenslu-
bækur sem nothæfar væru. Alla verklega kenslu hafði
hann og á hendi og auk þess bústjórn og ýms fleiri störf,
svo sem hreppsnefndar-, sýslunefndar- og amtráðsstörf.
Þannig var þá fyrsti búnaðarskóli þessa lands kominn
á laggirnar. Þegar á fyrsta ári varð Torfi að stækka
húsakynnin. Var það bæði erfitt og kostnaðarsamt. Varð
að sækja alt byggingarefni langar leiðir að. Rekavið
norður á Strandir, en erlent efni annað hvort til Stykkis-
hólms eða Borðeyrar. Voru bæjarhúsin allsendis ónóg
til kenslunnar og varð því að vinda bráðan bug að því
að koma húsunum upp. Og um haustið var skólahúsið
komið svo á veg, að hægt var fyrir pilta að hafast þar
við um veturinn.
Næstu ár var kenslustofnuninni haldið áfram í svipuðu
horfi. Árið 1884 voru Torfa veitt 650 króna árslaun
fyrir starf sitt sem forstöðumanns skólans og kennara.
Sama ár ritaði Torfi í Andvara »Um alþýðumentun«. Gerir
hann þar meðal annars grein fyrir skoðunum sínum á
búnaðarskólum. Vill hann hafa fjórðungsskóla. Sjeu þrír
þeirra með svipuðu sniði og Olafsdalsskólinn, en hinn
fjórði, sem hann álítur að eigi að vera í Sunnlendinga-
fjórðingi skuli vera í tveim deildum, þannig að neðri
2. gr. Tilgangur stofnunar þessarar, er að veita ungum mönnum,
nægilega kenslu verklega og bóklega, í öllum þeim störfum, er
snerta jarðrækt og jarðabætur, að auka þekkingu þeirra og áhuga
á framförum á landbúnaði og Yf'rköfuð venja þá við verklegan
dugnað. Stjórnartíðindi 1880, B deild bls. 144.