Uppeldi og menntun - 01.01.1997, Side 133

ÁRNI SIGURBJARNARSON
HLJÓÐFÆRANÁM FYRIR ALLA -
TÓNLISTARFORSKÓLI
Samstarfsverkefni Tónlistarskóla Húsavíkur,
Borgarhólsskóla og Leikskólans Bestabæjar*
Undanfarin fimm ár hafa Borgarhólsskóli og Tónlistarskóli Húsavíkur unnið að
sameiginlegu þróunarverkefni í tónlist. A öðru ári verkefnisins gerðist Leikskólinn
Bestibær einnig aðili að því. Nefnist verkefnið Hljóðfæranám fyrir alla - tónlistarfor-
skóli.
Aðdragandann að þessu verkefni má rekja til þess að Tónlistarskóli Húsavíkur
og Borgarhólsskóli hafa haft mjög náið samstarf í meira en 20 ár. Hafði það meðal
annars leitt til þess að um helmingur nemenda Borgarhólsskóla stundaði nám við
Tónlistarskólann. Verulegur hluti af tónlistarnámi barnanna fór fram á skólatíma,
þ.e. nemendur fengu að fara út úr tíma. Þetta fyrirkomulag var vissulega forsenda
fyrir þessari miklu aðsókn nemenda Borgarhólsskóla í Tónlistarskólann. Það var
líka ljóst að þetta fyrirkomulag hafði sínar takmarkanir og að með þessu móti gæti
hljóðfæranámið varla náð til allra nemenda grunnskólans. Það var fleira en sam-
starfsformið sem þurfti að breytast, skipulag og innihald tónlistarnámsins þurfti
líka endurskoðunar við ef þátttaka í hljóðfæranámi ætti að geta aukist verulega um-
fram það sem hún var orðin. Þetta varð m.a. til þess að sú ákvörðun var tekin að
fara út í framangreint verkefni. Eftir að verkefnið fór af stað kom það nánast í
eðlilegu framhaldi að Leikskólinn Bestibær gerðist þátttakandi í því. Þess má geta
að allt fram til ársins 1995 voru þessar þrjár stofnanir þær einu sinnar tegundar á
Húsavík. Árið 1995 tók til starfa annar leikskóli á Húsavík sem hefur tekið þátt í
þessu samstarfi frá haustinu 1997.
MARKMIÐ
Þann tíma sem verkefnið hefur staðið hafa markmiðin verið aðlöguð breyttum
áherslum og breyttum aðstæðum. Megináhersla upphaflegra markmiða er þó
óbreytt, en verkefnið sjálft hefur þróast í þá átt að verða enn víðtækara en áætlað
var í upphafi. Fleiri stofnanir taka þátt í verkefninu, það nær til stærri aldurshóps
og hefur tekið lengri tíma en ætlað var.
* Grein þessi byggist á erindi sem flutt var á málþingi Rannsóknarstofnunar Kennaraháskóla íslands 23. ágúst 1997 um
þróun og nýbreytni í skólum.
Uppeldi og menntun - Tímarit Kennaraháskóla íslands 6. árg. 1997
131