Uppeldi og menntun - 01.01.1997, Side 159

STELLA GUÐMUNDSDÓTTIR
VIGFÚS HALLGRÍMSSON
INNRA MAT í HJALLASKÓLA*
Hjallaskóli er heildstæður grunnskóli í Kópavogi sem tók til starfa haustið 1983 og
er nú fjölmennasti grunnskólinn í bænum með um 550 nemendur í 1.—10. bekk. Vet-
urinn 1995-1996 fengu kennarar og skólastjórnendur í Hjallaskóla styrk úr Þróunar-
sjóði grunnskóla til að vinna að þróunarverkefni um mat á skólastarfi. Verkefnið
fékk heitið Innra mat í Hjallaskóla. Innan skólans hafði áður verið unnið að ýmsu
mati. M.a. höfðu kennarar skólans metið árlega skóla- og starfsreglur og fengið mat
foreldra á þáttum sem tengdust samstarfi við heimilin. Þróunarverkefnið var eðli-
legt framhald þess. í upphafi verkefnisins var ákveðið að vinna að eftirtöldum
markmiðum:
- að skólinn markaði sér stefnu í mati á eigin störfum.
- að útbúa matstæki fyrir innra mat í skólanum.
- að prófa matstæki, þ.e. að leggja mat á einhvern þátt í starfi Hjallaskóla.
Með þessi markmið að leiðarljósi var unnið að þróunarverkefninu þennan vetur og
tókst nokkuð vel að fylgja þeim eftir.
Akveðið var að skipa vinnuhóp til að stýra verkefninu og vinna það í umboði
kennara milli kennarafunda. Auglýst var eftir kennurum til að taka þátt í verkefn-
inu. Fimm gáfu kost á sér auk skólastjóranna tveggja og ráðgjafa sem tók til starfa
síðari hluta vetrar. Vigfús Hallgrímsson, kennari við skólann, var ráðinn verkefnis-
stjóri. Gunnar E. Finnbogason, dósent við Kennaraháskóla íslands, var ráðinn ráð-
gjafi samkvæmt samningi við endurmenntunardeild Kennaraháskólans.
Allt frá upphafi verkefnisins var reynt að gera kennara virka í starfinu. Engar
mikilvægar ákvarðanir voru teknar án samráðs og vilja kennara skólans. Reglulegar
umræður voru á kennarafundum um framvindu verkefnisins.
Verkefnið var tvískipt og var unnið fyrri hluta vetrar að stefnu skólans um mat
á skólastarfi. Hún var talin grundvöllur annarrar vinnu skólans í mati á eigin
störfum og fékk stefnan heitið Innra mat í Hjallaskóla - stefna og framkvæmd skólans í
mati á skólastarfi. Eftirfarandi fjórum spurningum um mat var ætlað að vera vegvísir
okkar við gerð matstækja:
- Hvað er mat á skólastarfi?
- Hver er tilgangur mats á skólastarfi?
- Á hvað er lagt mat?
- Hvernig er mat framkvæmt?
* Grein þessi byggist á erindi sem flutt var á málþingi Rannsóknarstofnunar Kennaraháskóla fslands 23. ágúst 1997 um
þróun og nýbreytni í skólum.
Uppeldi og menntun - Tímarit Kennaraháskóla íslands 6. árg. 1997
257