Tímarit Máls og menningar - 01.12.1972, Page 36

Tímarit Máls og menningar
Mikið er þetta Viðeyjarsund ávallt elskulegur gestur.
Við þetta sund elskaði maður Iíka einu sinni. - Kannski tvisvar. - En
það er langt síðan þá.
14
Klukkan er íimm að morgni. - Það heyrist ekki hljóð annað en tifið í vekj-
araklukkunni minni. Það er alveg stillt veður og kolsvart. - Hvað ætli fólkið
í húsinu dreymi? - Til dæmis litlu ljóshærðu telpuna á hæðinni fyrir ofan
mig? - Hvað ætli hana dreymi? - Ætli hana dreymi hún sé í mömmuleik?
— Það er fallegt af ungum stúlkum, að dreyma svoleiðis drauma. — Hún
er svo ung, að hún er rétt nýbyrjuð að vappa um stigann. - í gærdag mætti
ég henni og hún brosti til mín, og bros hennar minnti á sólargeisla í regni.
- Hún gæti sem bezt verið óskabarn góðrar álfkonu. - Eg vona bara að
vonzka heimsins verði dálítið sein á sér að góma hana þegar hún stækkar. -
Undarlegt hvað fólki er gjarnt til að ganga fjandanum á hönd þegar það er
vaxið úr grasi.
15
Hann er bæði hvass og kaldur. Tunglið er eins og skrautmálaður postulins-
diskur uppi á þili. Vagninn er fullur af kellingum. - Hvað eru allar þessar
kellingar að erinda í bæinn? - Ég sit sem fastast þó mér leiðist að horfa á
þær standa upp á endann, því hvaða þýðingu hefur það þó einn kall standi
upp fyrir hundrað kellingum? - Ég mundi hlæja að svoleiðis kalli: einn kall
hefur aldrei fleiri en einn rass. Hundrað kellingar hafa aftur á móti hundrað
rassa.
Ég veit svosem hvað þær eru að vilja: þær eru að fara í saumaklúbbinn
sinn til að slípa kjálkana.
Hefur þú komið í saumaklúbb? Saumaldúbbar eru feikilega skrýtnar sam-
kundur. Það er eins og maður sé kominn vestur í Látrabjarg. - Það skilst
ekki orð af því sem verið er að tala um, og öllum er svo mikið niðri fyrir,
að enginn má vera að því að skreppa frarn á klósett til að pissa. - Þó er
aldrei nein ólykt í stofunni. - Það finnst mér skrýtið.
Þetta eru mestmegnis digrar konur og maddömulegar. - Þó bregður fyrir
svip og svip af suðrænni senorítu.
16
Aðalfundur Rithöfundafélags Islands var haldinn niðri í Kaffi Höll í dag.
178