Tímarit Máls og menningar - 01.06.1996, Side 64

eru fáir sem hafa farið þá leið að
læra ekki eftir hefðbundnum að-
ferðum heldur bara með því að
spila sjálfir. Tim Berne er einn af
þeim. Honum fannst það sjálfsagt
fyrst hann spilaði á annað borð að
stofna sína eigin hljómsveit, semja
sína eigin músík og gefa út plötur.
Og það gerði hann.
Þróunin verður auðvitað hröð-
ust fyrst, meðan maður er að byrja
að spila. Síðan verður sífellt erfið-
ara að koma auga á minnstu fram-
farir. Maður er líka alinn upp við
að gera miklar kröfur til sjálfs sín.
Hjá mér fór það út í hreinar öfgar, sjálfsgagnrýnin fór að hafa neikvæð áhrif.
Mér fannst allt sem ég gerði hræðilegt, í besta falli sæmilegt. Þetta breyttist
þegar ég kynntist Skúla úti í Bandaríkjunum. Hann hafði mun jákvæðara
viðhorf. Ég áttaði mig á því að ég yrði að venja mig af þessum ósið. Og ég
held þegar ég hugsa til baka að ég hefði getað farið jákvæðari leið með því
að gera meira út á sjálfa spilagleðina.
Hiltnar kláraði FÍH-skólann 1987 og fór til Bandaríkjanna til náms í
Berklee-jazzskólanum í Boston — og hljóp á vegg:
— Ég var búinn að vera að spila hérna heima og hélt að ég gæti eitthvað. En
það var mjög sláandi að koma út og heyra fólk á sama aldri og ég eða jafnvel
yngra sem var orðið þroskaðir hljóðfæraleikarar. Mér fannst ég vera lélegasti
gítarleikari á jörðinni. Fyrsta önnin var erfið. Ég æfði mig mikið, reyndar
allan tíma minn í Boston og þorði aldrei að koma nálægt Delfayo Marsalis
og þessu aðalliði í skólanum.
Fyrstu tvö árin mín í Berklee var þar ráðandi mjög sterk bebob-lína. Síðan
urðu algjör umskipti. Þá komu Jim, Chris, Kurt Rosenwinkel gítarleikari
(sem nú er í Human Feel og leikur líka með Paul Motian) og Seamus Blake
sem voru að spila nýrri og frjálsari tegund af músík. Þá gat ég ekki á mér
setið lengur og fór að blanda geði við fólk. Ég kynntist meðal annars Jill
Seifers söngkonu sem ég hef spilað með hér á landi og Dan Rieser sem líka
hefur komið hingað. Þessi seinni tvö ár í Berklee voru mjög skemmtilegur
tími og ég lærði mikið af þessu fólki. Það er hvetjandi að vera innan um aktíft
og hæfileikaríkt fólk.
62
TMM 1996:2