Skírnir - 01.01.1963, Blaðsíða 127

Skírnir
Um veiðiskap og aflabrögð í Hornafirði
115
arra sjóferða, að því er til skjólklæða tók, gat því verið nokk-
uð misjafn, eftir því hvort snemma var eða seint á vertíðinni
og eftir veðri, þó að sjálfsögðu væri á þessum árstima einkum
um vetrarklæðnað að ræða. En nokkrar verjur, hlífðarföt við
vosbúð, voru allajafna ómissandi í veiðiför, fyrst og fremst
til fóta og helzt upp að mitti.
Mér er barnsminni, að veiðimenn klæddust skinnfötum:
skinnsokkum, skinnhöldum og skinnstökkum, gerðum að forn-
um íslenzkum sið úr sauðskinnum. Aðrir bjuggust á þeim
tímum leðurstígvélum og „olíufötum“ áð útlendum sið. Sjó-
klæði þau, sem almennt voru þá kölluð „olíuföt”, voru norsk
eða dönsk að uppruna, gerð af margföldu olíubornu lérefti.
Hattar úr sama efni voru nefndir „suðvesti“, eða roShatlar
af þeim, sem héldu sér við íslenzkuna, þó að höfuðfatið væri
orðið nýtízkulegt að efni og gerð. Síðar komu svo til gúm-
stígvél og jafnvel fleiri gúmborin hlífðarföt.
Sýnd veiði.
Fiskhlaup kemur í fjörðinn með aðfallinu. Til móts við
hlaupið verða veiðimenn að fara út að Fjörum skammt innan
við ósinn. Til þess að spara sér hörkuróður út eftir á móti
fallinu er hyggilegt, ef tími er til, að leggja af stað síðast á
útfallinu og hafa meðfall eða á liggjandanum, eða að minnsta
kosti áður en mótfallið er farið að harðna til muna, enda
þurfa veiðimenn að vera komnir á vettvang í tæka tíð, eða
áður en fer að bóla á væntanlegri veiði.
Þegar komið er út að Fjörum, er farið þar í land, og sem
nú innfallið harðnar, taka veiðimenn að huga að fiskigöngu.
Standa þeir oftast uppi á Vesturfjörunni, drjúgan spöl innan
við ós, í námunda við svonefndan Fiskatanga og Sogeyri.
Sé hlaup á ferðinni, kann þess nú að fara að verða vart,
undir það að innfallið verður harðast og fram af því. Það
kemur í ljós með þeim furðulega hætti, að fiskur fer að sjást
fljóta uppi. 1 vatnsskorpunni hólar á dálítilli grágulri hungu
með ofurlítilli spíru upp úr. Þetta er annar eyrugginn, sem
stendur beint upp, og ljósgulur belgurinn í kring. Þannig