Skírnir - 01.04.2013, Page 218

216
JÓN PROPPÉ
SKÍRNIR
um sem fræðimenn beittu til að kortleggja landið og fella hvern stað
í útreiknanlegt kerfi, einfalt net hnita sem marka í eitt skipti fyrir öll
staðsetningu hlutanna og samhengi þeirra. Áhugi Húberts Nóa á
þessari vísindalegu nálgun við veröldina — að fornu og nýju — birt-
ist víða í verkum hans þótt efnistök listamannsins verði auðvitað
alltaf önnur en vísindamannsins.
Ný myndlist
Húbert Nói lærði fyrst myndlist við Myndlistarskólann í Reykja-
vík (1982-1983) og hóf svo nám við Myndlistar- og handíðaskóla Is-
lands árið 1983. Þetta voru merkilegir tímar í íslenskri myndlist.
Snemma á árinu höfðu ungir myndlistamenn — margir þeirra enn
í námi — lagt undir sig hluta af JL-húsinu við Hringbraut og haldið
þar gríðarmikla sýningu eða listahátíð sem þeir kölluðu Gull-
ströndin andar og má segja að það hafi markað upphafið að endur-
vakningu málverksins á Islandi en svipuð vakning varð um þessar
mundir meðal yngri listamanna víðast á Vesturlöndum — „nýja
málverkið". „Gullströndin" vísaði til þess að rusli hafði lengi verið
kastað í fjöruna framan við húsið og þar rak enn ýmislegt drasl á
land. Þessi kaldhæðni orðaleikur átti líka vel við um sýninguna og
anda hennar: Þarna komu saman um 120 myndlistarmenn, tónlistar-
menn, leikarar og aðrir, og létu allt flakka. Mantra nýju málaranna
var að listin skyldi vera hrá og spontant, og margir þeirra hikuðu
ekki við að klessa alls konar drasli ofan í litinn á striganum, stundum
næstum af handahófi eins og gullasafnið sem aldan skolaði upp í
fjöruna fyrir utan. Um svipað leyti og gullströndin andaði vestur á
Hringbraut var svo haldin stór sýning á Kjavalsstöðum, „UM“, þar
sem nefnd valdi inn verk eftir 60 myndlistamenn sem allir voru
undir þrítugu. 1983 var ár hinna ungu og spennandi tími til að hefja
myndlistarnám.
I Myndlistar- og handíðaskóla íslands höfðu umbrot hafist
nokkrum árum fyrr þegar stofnuð var ný deild sem fljótlega fékk
nafnið Nýlistadeild. Þar hafði Magnús Pálsson sett upp nám sem
miðaði að því að kynna nýja miðla og nálganir fyrir nemendum. Þar
var kennd gerð bókaverka, notkun kvikmynda og vídeós í myndlist,