Tímarit Máls og menningar - 01.03.2014, Side 50

J ó n Ó s k a r S ó l n e s
50 TMM 2014 · 1
Colombo hefði tekist að gera samninga um umfangsmikil vopna- og stríðs-
tólakaup við bæði Pakistana og Kínverja.
Ári eftir að stríðsátök hófust að nýju var Kílinochchi jöfnuð við jörðu í
leiftursókn skriðdrekasveita stjórnarhers Srí Lanka. Fólkið sem friðar gæslu-
liðar höfðu kynnst á árunum á undan flúði undan framrásinni enda óttaðist
það um líf sitt. Mest voru þetta konur og börn á öllum aldri. Söfnuðust
flóttamenn saman á yfirlýst griðasvæði en þar misnotuðu Tamílatígrarnir
vesalings fólkið sem varnarskildi gegn stórskotaliði stjórnarhersins. Hátt-
settir stjórnarerindrekar hvaðanæva að komu til Colombo og báðu fólkinu
griða, meðal annars utanríkisráðherrar frá Evrópu. um nokkurra daga skeið
þögnuðu vopnin.
Eftir nokkurra vikna umþóttun virtist sú skipun hafa verið gefin út til
stjórnarhers Srí Lanka að knésetja síðustu sveitir Tamílatígra með stórskota-
hríð og lofthernaði og eira engu.
Sú varð raunin.
***
Í árslok 2012 var leyniskýrslu Sameinuðu þjóðanna um stríðslok á Srí Lanka
lekið til fjölmiðla. Kom þar fram að samtökin teldu að um 40.000 óbreyttir
borgarar hefðu fallið á síðustu vikum lokasóknar stjórnarhersins, að meiri-
hluta konur og börn. Lauk þar þriggja áratuga stríði með fullnaðarsigri stjórn-
valda á Srí Lanka.