Árbók Hins íslenzka fornleifafélags - 2019, Side 99

ÁRBÓK FORNLEIFAFÉLAGSINS98
skurðir við grunnhleðslurnar, sem hafa ef laust verið grafnir þegar þær voru
reistar og svo fylltir með sandi og grjóti (sjá myndir 15‒16). Þessir skurðir
voru grafnir í gegnum jarðlög þar sem enn fundust gripir. Það er því líklegt
að þessi bygging standi á röskuðum jarðlögum þar sem hugsanlega hefur
staðið eldri bygging eða að minnsta kosti verið eitthvert athafnasvæði.
Grunur um eldra byggingarstig undir byggingunni er studdur af því
að jarðlag sem túlkað var sem stétt í norðurenda skurðarins virðist halda
áfram undir útvegg byggingarinnar og er því eldri en hún. Til að ganga
úr skugga um samhengi stéttarinnar við bygginguna og varpa ljósi á tengsl
útveggja hennar sem snúa þvert hvor á annan í norðurenda skurðarins væri
nauðsynlegt að stækka skurðinn til austurs og vesturs. Til að kanna dýpt
jarðlaga sem eru eldri en þessi bygging sem grunnarnir tilheyra var grafinn
Mynd 12. Niðurstaða viðnámsmælinga. Mismunandi viðnám er túlkað með mismunandi litum. Grjót birtist í
svörtu (viðnám mest 607 ohm), umhverfi með minna viðnám, líklega sandur, í grænu. Svæði sem merkt eru með
rauðu mældust með minna viðnám en umhverfið (minnsta viðnám 226 ohm) og hvítu svæðin tákna staði þar sem
jarðvegur var of harður til að framkvæma mælingu. Könnunarskurðuinn er merktur inn á myndina með gulu.