Árbók Hins íslenzka fornleifafélags - 2019, Blaðsíða 102

101KÖNNUNARRANNSÓKN Á VESTURBÚÐARHÓL Á EYRARBAKKA
prufuhola norðan við suðurvegginn. Hún var um 30
cm djúp og fundust gripir á um 20 cm dýpi, þ.á m.
lítið krítarpípubrot og leirkersbrot úr hvítleir. Ekki
er unnt að aldursgreina þessa gripi nákvæmlega en
þeir eru þó líklega frá 18. öld. Síðustu 10 cm voru
hreinn, óhreyfður fjörusandur.
Verslunarstaðurinn við Eyrar var f luttur ásamt
bænum Einarshöfn í land Skúmsstaða í lok 17. aldar.
Fornleifauppgröfturinn leiddi í ljós byggingu frá
miðri 19. öld og eldra rask undir henni sem þó er ekki
eldra en miðbik 18. aldar þar sem þar lögin innihéldu
brot úr hvítleir. Til að greina aldur minjanna frekar
væri nauðsynlegt að stækka skurðinn og grafa f leiri
skurði annars staðar á minjastaðnum.
Varðveisla
Varðveisluskilyrði á minjastaðnum eru nokkuð
góð. Þótt talsvert rask hafi orðið við niðurrif
byggingarinnar eru enn varðveitt jarðlög sem
hefur ekki verið raskað og eru að öllum líkindum
frá notkunarskeiði húsanna. Hér er um að ræða
steinstéttir, veggi, undirstöður og svo jarðlög sem
hafa myndast undir gólfi húsanna. Gripasafnið
er að stórum hluta járn, naglar, bárujárn og ýmiss
konar aðrar festingar. Í efstu lögunum fundust líka
tjörupappi og steypuleifar þ.á m. leifar af steyptu
gólfi sem svartar f lísar frá Villeroy og Boch voru
lagðar á. Þessir gripir eru frá síðasta notkunarskeiði
byggingarinnar á 20. öld. Mikið af rúðugleri fannst
einnig og er það af ýmsum gerðum. Þá fannst talsvert
af steinkolum og múrsteinum og f lögubergs f lísum.
Allnokkur leirkera brot fundust, f lest úr hvítleir
en nokkur steinleirsbrot og eitt blýglerjað brot. Þá
fundust nokkur krítarpípubrot. Varðveisluskilyrði
lífrænna leifa virðast fremur slæm. Mjög fá dýrabein
2 metrar
Mynd 16: Teikning af skurðinum við lok uppgraftar. Grunnar byggingarinnar eru merktir með rauðu og vegg hleðslur
með grænum lit. Bleiku steinarnir eru stétt og fjólubláu steinunum nyrst hefur verið raskað. Gráu línurnar við
grunnana merkja skurði sem grafnir voru við gerð byggingarinnar.