Árbók Hins íslenzka fornleifafélags - 2019, Qupperneq 185

ÁRBÓK FORNLEIFAFÉLAGSINS184
Rúmfjöl (Þjms. 14495)
Mér hefur alltaf þótt spennandi að leysa hvers konar
þrautir, enda vel yfir meðallagi forvitin. Fyrir
um 20 árum síðan, þá glænýr sumarstarfsmaður
Þjóðminjasafnsins, tók ég fyrst fyrir alvöru eftir
öllum útskornu gripunum með þessu sérstaka
skrautletri, höfðaletri, sem mér fannst í fyrstu ekki
geta verið annað en einhvers konar leyniletur. Ég
hóf því að stauta mig í gegnum áletranirnar. Æ
síðan hefur höfðaletrið heillað mig og í hvert sinn
sem ég rek augun í grip með höfðaletursáletrun
fæ ég fiðrildi í magann. Allir þeir gripir eru í
uppáhaldi, en mest allra þessi rúmfjöl frá 1682.
Fegurð útskurðarins er næstum dáleiðandi.
Áletrunin er bæn. Hún byrjar á höfðaletrinu,
færist svo yfir í hringreitina með latínuletrinu og
endar á bakhlið fjalarinnar, einnig með latínuletri:
Drottinn sé með mér dag og nótt,
drottinn sem veitir friðargnótt,
drottinn frelsa frá dauða mig,
drottinn eilífur ég bið þig,
drottinn þín blíða dýrðarhönd,
drottinn bevari líf og önd.
Þetta er fallegasta höfðaletur sem ég hef séð og
mér til yndisauka kíki ég á það hvern vinnudag. Á
skjámyndinni í tölvunni minni.
Freyja Hlíðkvist Ómars- Sesseljudóttir
Ljósmynd: Ívar Brynjólfsson