Ritið : tímarit Hugvísindastofnunar - 01.01.2020, Blaðsíða 24
SJóNARSPIL TEGUNDANNA
23
Pierre Belon (1517-1564)50 og hjá Guillaume Rondelet (1507-1556).51 Fiska-
fræði hans var samt gerð af mikilli nákvæmni og einkennilegt að hann skuli
fella slíkt skrímsli inn í frásögn sem var að öllum líkindum skrifuð sem leiðar-
vísir um hvaða fiska kaþólskir menn mættu leggja sér til munns á föstunni.
Þá felldi svissneski læknirinn og náttúrufræðingurinn Conrad Gessner
(1516-1565) skrímslamyndir Olaus Magnus inn í fjórða hluta yfirlitsritsins
Historia animalium.52 Rit Gessners var tilraun til að taka saman í eitt nátt-
úrufræðirit allt það sem hafði verið skrifað (og teiknað) um dýr jarðarinnar. Í
formála bendir Gessner á hversu mikilvægt það sé að sýna myndir af dýrum
því almenningur geti sjaldnast nálgast þau, auk þess sem sum geti verið
afar hættuleg. Hann byggði tegundaflokkunina á skrifum þeirra Belons (De
Aquatilibus, 1553 og La nature et diversité des poissons, 1555), fiskafræði Ronde-
lets (Libri de piscibus marinis, 1554), auk þess sem hann studdist við áður-
nefnd rit Olaus Magnusar og nýtti myndefni hans í kafla sem er tileinkaður
hvölum og sjávarskrímslum.53 Hann ræðir útlit dýranna, gerir grein fyrir
heimkynnum þeirra, hegðun og skaplyndi, auk þess sem hann tekur saman
ýmsan annan fróðleik, segir frá dýraafurðum og nýtingu þeirra í matargerð
og til lækninga. Gessner ræðir trúverðugleika myndanna sem eigi sér ólíkar
fyrirmyndir og séu yfirleitt ekki gerðar ad vivum. Það merkir að myndirnar
séu ekki byggðar á reynslunni af lifandi dýrum, né teiknaðar eftir dauðum
dýrum, heldur endurgerðar eða samsettar eftir eldri myndum og því séu
dýrin ekki alltaf sýnd í réttum stærðarhlutföllum. Sumar myndirnar í bók-
inni eru þó allraunsæislegar, eins og teikningin af nýborinni háhyrningskú
með kálfi, en myndina fékk hann úr riti Belons.54 Gessner vísar einmitt til
samsvörunar hvala við landdýr því þeir séu með lungu, nýru, þvagblöðru,
50 Pierre Belon, L’histoire naturelle des estranges poissons marins, avec la vraie peincture et des-
cription du daulphin, et de plusieurs autres de son espèce, 1551 og La Nature et diversité des
poissons, avec leurs pourtraicts représentez au plus près du naturel, en 1555. Sótt 10. október
2019 af https://archive.org/details/petribelloniicen00belo/page/39/mode/2up.
51 Guillaume Rondelet, Histoire entier des poissons, Lyon: Macé Bonhomme, 1558.
Sótt 10. október 2019 af https://gallica.bnf.fr/ark:/12148/bpt6k1512044f/f1.planc-
hecontact.
52 Sachiko Kusukawa, „The sources of Gessner´s pictures for the Historia animalium“,
Annals of Science 67: 3/2010, bls. 303–328, hér bls. 310.
53 Sophia Hendrikx, „Monstrosities from the Sea. Taxonomy and tradition in Conrad
Gessner´s (1516-1565) discussion of cetaceans and sea – monsters“, Anthropozoolo-
gica, 53: 11/2018, bls. 125–137, hér bls. 126–127. Sótt 14. október 2019 af https://
doi.org/10.5252/anthropozoologica2018v53a11.
54 Myndina má sjá á vefslóðinni https://archive.org/details/petribelloniicen00belo/
page/18/mode/2up. Sótt 14. október 2019.