Ritið : tímarit Hugvísindastofnunar - 01.01.2020, Blaðsíða 28
SJóNARSPIL TEGUNDANNA
27
launa, hugsanlega vegna fnyks.64 Myndin er því allt í senn nákvæm teikning
á líkamseinkennum hvalanna og lýsing á sjónarspilinu í kring um hvalrekann
á ströndinni.
Önnur prentmynd frá 1594 eftir Hendrick Goltzius (1558-1617), Hvalreki
við Zandvoort, sýnir tvo menn mæla grindhval á meðan hópur fólks streymir
að, svo langt sem augað eygir, til að berja dýrið augum.65 Fleiri niðurlenskar
prentmyndir sýna hvalreka sem furðuverk og sjónarspil. Áhorfendur safnast
ætíð í kringum hræin, oft prúðbúnir eða jafnvel af aðalsmannaætt, eins og
sést á mynd af hvalreka í nágrenni Beverwijk, nítjánda desember 1601. Í
forgrunni, til vinstri, sést listamaðurinn sjálfur, Jan Saenredam (1565-1607),
teiknandi atburðinn. Kápa hans skýlir honum fyrir gjólunni á meðan greifinn
Ernst Casimir of Nassau-Dietz (1573-1632), fyrir miðju myndarinnar, ber
vasaklút að vitum sér.66 Fjórir menn standa uppi á baki hvalsins, tveir stinga
úr honum augun með sveðju. Nákvæm stærð og hlutföll hvalsins eru skráð
á myndina, auk lýsingar á því þegar hann sprakk vegna gasmyndunar í líf-
færum hans. Nærvera listamannsins og greifans á ströndinni undirstrikar trú-
verðugleika myndarinnar. Þarna er ekki einungis verið að lýsa sjónarspilinu,
heldur er teikningin vitnisburður, nánast fréttamynd um það sem gerðist.
Hún vísar jafnframt til fleiri atburða, því efst í myndfletinum eru dregnar
upp smámyndir sem vísa í plágurnar og náttúruhamfarirnar sem geisuðu í
Norður-Evrópu skömmu eftir 1600.67 Hamfaramyndir af þessu tagi gegndu
því samtímis hlutverki annáls og samfélagslegrar allegóríu því þær draga því
upp dökka mynd af atburðunum.68 En þrátt fyrir að hvalir væru dýrmæt
64 Hægt er skoða myndina á vefsíðu Fine Arts Museums of San Fransisco. Sótt 10.
október 2019 af https://art.famsf.org/johannes-wierix/whales-stranding-ter-
heyde-1971296.
65 Prent varðveitt á British Museum. Sótt 10. október 2019. https://research.brit-
ishmuseum.org/research/collection_online/collection_object_details.aspx?objec-
tId=1478619&page=1&partId=1&peoA=123262-2-60&people=123262.
66 Myndin var gerð árið 1602, en prentað eintak varðveitt í British Museum er frá
1618. Sótt 10. október 2019 af https://www.britishmuseum.org/research/collec-
tion_online/collection_object_details.aspx?objectId=1506563&partId=1.
67 Þar má nefna sóttina í Amsterdam veturinn 1601-2, sólmyrkvann 24. desember
1601, jarðskjálftann sem gekk yfir Holland 2. janúar 1602, tunglmyrkva 4. júní, og
loks umsátrið við Oestende.
68 Umræddar náttúruhamfarir voru á Íslandi kenndar við Píslarárið. Á Magnúsarmessu
var sólmyrkvi, veturinn var kallaður Lurkur. Næsti vetur á eftir var kallaður Píníng-
arvetur (1601-1602) og fylgdi hungur, sóttir og mannfall. Þriðja veturinn 1602-3:
„Nú kemur hinn þriðji vetur í harðindum; varð þá mannfall mikið af fátæku fólki af
sulti um allt Ísland.“ Jón Espólín, Íslands árbækur í söguformi, V. deild, Kaupmanna-
höfn: Hið íslenska bókmenntafélag, 1826, bls. 99.