Ritið : tímarit Hugvísindastofnunar - 01.01.2020, Qupperneq 195
KATlA KJARTAnSDóTTIR
194
Jón lýsir því sem svo að dýrið hafi verið í klappfæri við þá og að þeir hafi
nötrað af hræðslu. Þeir töldu ekki ólíklegt að björninn myndi brjóta upp
hurðina og éta þá upp til agna. umræður hófust þá um það hvað skyldi til
bragðs taka, hugmyndir voru uppi um að bregða neti yfir dýrið en skjótt
varð niðurstaðan sú að ná í skotfæri. Stuttu síðar lá björninn allur á flötinni
fyrir framan gistiskýlið.22
Eftir þetta tók Kristján S. Jósefsson dýrið til varðveislu og Jón m. guð-
mundsson stoppaði það upp. um skeið var það svo til sýnis hjá honum í
dýrasafninu í Breiðfirðingabúð eða þar til kom að gjaldþroti. Þá var hvíta-
björninn, sem fyrr segir, fluttur til Selfoss ásamt öðrum munum og gripum
úr safni Kristjáns. Á mynd sem fylgir fréttinni má sjá uppstoppaða björninn
standa, eins og tekið er fram í myndatexta, keikan á safninu í Selfossi. Ekki
er annað að sjá en hann uni þar hag sínum vel.23 Enginn vafi leikur á því að
dýrasafnið hafði í sinni safneign ýmsa óvenjulega og sjaldgæfa gripi, til við-
bótar við ísbjörninn var þar til dæmis einnig að finna tvíhöfða lamb sem,
eftir nokkra eftirgrennslan, er nú varðveitt á Draugasetrinu á Stokkseyri –
gestum til hrellingar.24
Annar merkilegur gripur var einnig um skeið varðveittur hjá íslenska
dýrasafninu. En það er hinn víðfrægi uppstoppaði api sem Ellý Vilhjálms-
dóttir, söngkona, átti lengi vel. Apinn varð á sinni tíð allvel þekktur undir
nafninu Bongo. Í frétt Ríkisútvarpsins segir frá því með hvaða hætti apinn
komst í hendur Ellýar í Spánarferð en samkvæmt vinkonu, sem var með
henni í för, valdi Ellý Bongo vegna þess að hann var gáfulegastur af þeim
til augnanna. fylgdi Bongo síðan Ellý um langt skeið og varð hann nokkuð
frægur í Blómaskála mikkelsen í Hveragerði. Eftir stutta dvöl þar var hann
stoppaður upp og sendur á dýrasafnið til Kristjáns Jósefssonar. Árið 1978
fréttist svo af apanum á uppboði hjá tollstjóra og talið var að hann hefði
verið keyptur ásamt öðrum munum af Byggðasafni Árnesinga. Við eftir-
grennslan kom hins vegar í ljós að hann var að finna í menntaskólanum
á laugarvatni, þar sem hann er víst enn. Samkvæmt fréttinni var Bongo
mikill skemmtikraftur, en með eindæmum afbrýðisamur og illa lyktandi í
þokkabót.25
22 „Dýrið lá fyrir framan dyrnar og át nestið mitt“, Dagblaðið Vísir, 20. febrúar 1988,
bls. 18.
23 „Björninn er hýstur á Selfossi“, Dagblaðið Vísir, 20. febrúar 1988, bls. 18.
24 Tölvupóstsamskipti við lýð pálsson safnstjóra Byggðasafns Árnesinga, 29.
nóvember 2019.
25 „Api Ellýar fundinn“, RÚV, 9. nóvember 2012, sótt 29. október 2019 af https://