Ritið : tímarit Hugvísindastofnunar - 01.01.2020, Blaðsíða 205
NANNA HlÍN HAllDóRSDóTTIR
204
Þetta er einkum brýnt til þess að hægt sé að skilja samspil þeirra hugmynda
um heilsu og ábyrgð sem holdgervast í D-vítamínspurningunni. Ronen
Shamir er einn af þeim sem greint hefur hvernig siðferði breyttist undir ný-
frjálshyggju en þá þróun hefur hann nefnt ábyrgðarvæðingu.3 Í þessari grein
kalla ég þessa þróun aðallega einstaklingsvæðingu ábyrgðar eins og Alison Rei-
held nefnir svipað ferli, til þess að undirstrika að einstaklingshyggja felist í
þessum skilningi á ábyrgð.4 Ég mun þó að einhverju marki nota þessi tvö
hugtök jöfnum höndum.
Sem dæmi um „heilsuleysi“ og óþekkt veikindi tek ég sjúkdóminn ME/
síþreytu þar sem hann hefur lítið verið rannsakaður þó svo að talið sé að í
það minnsta 0,2 prósent mannkyns þjáist af honum.5 ME/síþreyta er sjúk-
dómur sem hefur að mestu leyti komið upp á yfirborðið á tímum nýfrjáls-
hyggjunnar sem eykur að mínu mati mikilvægi þess að skoða tengslin á milli
sögu sjúkdómsins og nýfrjálshyggju. Þá fjalla ég einnig um ME/síþreytu
vegna þess að ég er sjálf með sjúkdóminn. Í anda femínískra fræða, og þá
sérstaklega með hliðsjón af staðsetningarkenningum, má færa rök fyrir því
að ég hafi á ákveðinn hátt meiri innsýn í bæði sjúkdóminn og það ástand
að lifa með óþekktum veikindum heldur en rannsakandi sem lifir ekki með
sjúkdómnum.6 Ég skoða einnig rök fyrir því að ME/síþreytu-sjúklingar hafi
borð við John locke og Thomas Hobbes. Þannig er hægt að segja að vísir að hug-
myndafræði hafi orðið til á Englandi á 17. öld sem hefur æ síðan verið mikilvægur
hinu kapítalíska efnahagskerfi. Þessir hugsuðir settu einnig fram mikilvægar hug-
myndir um frjálslyndi sem eru ekki aðeins grundvöllur nútímaréttarríkisins heldur
einnig hugmynda okkar um mannréttindi og þeirra frelsisbaráttna sem reiða sig á
rökvísi hins jafna réttar til frelsis.
3 Ronen Shamir, „The age of responsibilization: on market-embedded morality“,
Economy and Society 37: 1/2008, bls. 1–19.
4 Alison Reiheld, „With all Due Caution: Global Anti-Obesity Campaigns and the
Individualization of Responsibility“, International Journal of Feminist Approaches to
Bioethics 8: 2(haust)/2015, bls. 226–249.
5 Talið er að a.m.k. 17-24 milljónir manna lifi með sjúkdómnum á heimsvísu. Þar
sem hann hefur hlotið litla viðurkenningu er erfitt að meta fjöldann en samkvæmt
þessum tölum er ekki um sjaldgæfan sjúkdóm að ræða. Talið er að 84-91% sjúklinga
skorti greiningu. American Myalgic Encephalomyelitis and Chronic Fatigue Syn-
drome Society, „How Many People Have ME/CFS?“, ammes.org, sótt 25. febrúar
2020 af: https://ammes.org/how-many-people-have-mecfs/ og Institute of Medi-
cine, „Beyond Myalgic Encephalomyelitis/Chronic Fatigue Syndrome: Redefining
an Illness“, samantekt úr skýrslu, febrúar 2015, sótt 25. febrúar 2020 af https://www.
ncbi.nlm.nih.gov/books/NBK274235/.
6 Donna Haraway, „Situated Knowledges: The Science Question in Feminism and
the Privilege of Partial Perspective”, Feminist Studies 14: 3/1988, bls. 575–599.