Ritið : tímarit Hugvísindastofnunar - 01.05.2020, Blaðsíða 27
STeFÁN ÁGÚSTSSON
26
Hins vegar var allt lifandi í augum Bergs, bara misjafnlega mikið og hafði
misjafnlega gott minni eftir því hvers konar fyrirbæri var um að ræða:
Af öllum „dauðum hlutum“ fannst mér steinarnir vera mest lif-
andi. Það var af því, að þeir voru náttúrlegastir og mundu áreiðan-
lega lengst aftur. Það hafði enginn umskapað þá og neytt þá til að
vera öðruvísi en náttúran hafði gert þá. en hinir „dauðu hlutir“
voru afmyndaðir af mönnum og ónáttúrlegir, og mér fannst þeir
hefðu glatað miklu af sálu sinni, með því að vera gerðir svona, og
týnt mikið minni. Hvað væri ævi spíkara eða blýsökku eða hrífu í
samanburði við ævi steinsins. (151)
Steinarnir voru sérstaklega dularfullir í huga drengsins, tilkomumikil kletta-
beltin vöktu áhuga hans og ekki síður stakir steinarnir sem hlaupið höfðu
niður hlíðar fjall anna og orðið við það frjálsir einstaklingar. Bergur litli
reyndi oft að glöggva sig á hvaðan steinarnir, sem stóðu hér og þar í hlíð-
unum, höfðu hlaupið úr klettabeltinu og var mjög forvitinn um aldur þeirra
og sögu. Þeir voru á mismunandi aldri, ungu stein arnir voru glaðlegir og í
þeim bjó hreyfing en þeir eldri voru daufari og ellilegir á litinn og hreyfingin
í þeim hæg og þunglamaleg.
Það hafði djúpstæð áhrif á Berg að horfa lengi á „veru“ sem var svo gömul
að hún hefði getað séð papana og Hrollaug landnámsmann fyrir þúsundum
ára og séð marg breytileika himinhvolfsins eins og það var fyrir milljónum
ára. Honum lék því forvitni á að vita hvaða visku steinarnir byggju yfir.
Hvernig litu fjöllin út? Voru sólin og tunglið jafnstór þá og nú? eða stjörn-
urnar, hver var afstaða þeirra, var hún eins og nú? (149–150)
Í umfjöllun sinni um skyggnigáfu fjallar Leadbeater um mögu leika þeirra
sem hafa þróað gáfu til þess að sjá fortíðina. Sá sem hefur þann hæfileika
getur séð fyrir hugskotssjónum sínum gjörvalla sögu jarðarinnar. Hann
getur virt fyrir sér allar þær undarlegu myndir sem jurtir og dýr höfðu þegar
heimar þeirra áttu sviðið, sömuleiðis jarðfræðilega þróun. Hann hefur sem
sagt aðgang að öllum fyrri þróunar stigum jarðarinnar, hvort sem það er
steinaríkið, jurtaríkið, dýraríkið eða mannheimar.63
Leadbeater segir að skyggnigáfan birtist fyrst á dýrastiginu og fyrstu til-
verustigum mannsins en hverfi á einhverjum tímapunkti áður en hún birtist
63 C.W. Leadbeater, Clairvoyance, London: Theosophical Publishing Society, 1903,
bls. 118.