Ritið : tímarit Hugvísindastofnunar - 01.01.2023, Blaðsíða 84

KVIðRISTARINN Í KAUPMANNAHÖFN
89
staðist að siðmenntaður Breti fremdi svo villimannslega glæpi.55 Fyrrum alríkis-
lögreglufulltrúinn John Douglas tekur að vísu undir það sjónarmið að morðing-
inn hafi verið utanaðkomandi en kemst hins vegar að þeirra niðurstöðu með
lærðari aðferðum. Í bók sinni Mindhunter. Inside the FBI’s Elite Serial Crime Unit
dregur hann þá ályktun út frá upprunalegum gögnum, listum yfir grunaða og
þeirri aðferðafræði sem alríkislögreglan þróaði við að greina mál af þessu tagi að
Kobbi hafi verið pólskur innflytjandi að nafni Aaron Kosminski. Sá var þekktur
einfari, þótti félagslega vanhæfur og að auki „kynferðislega truflaður“.56 Þetta
er þó vitaskuld bara getgáta hjá Douglas og raunar ómögulegt að komast að
niðurstöðu í málinu. Eins verður aldrei hægt að vita hvers vegna morðin hættu
en að öllum líkindum hafa ytri þættir haft áhrif á gerandann því eins og Robert
Ressler segir um sálfræði raðmorðingja þá hætta þeir yfirleitt ekki að drepa af
sjálfsdáðum, eitthvað þarf til þess að stöðva þá.57
Getgáturnar um hver var að verki haustið skelfilega (e. Autumn of Terror) eins
og tímabilið er gjarnan kallað í breskri sögu skipta tugum og svo margar bækur
hafa verið skrifaðar um málið að nánast er hægt að tala um sérstaka bókmennta-
tegund eða „vísindagrein“ (e. Rippology). Eins birtist Kobbi ítrekað í skáldskap
sem persóna og er þá gjarnan stuðst við kenningarnar um hann. Ein af frægari
tilgátunum um auðkenni Kobba er sú að prinsinn Albert Viktor, sonarsonur
Viktoríu drottningar sem þá var við völd, hafi myrt konurnar vegna geðveilu af
völdum sýfilis.58 Var þessi kenning afsönnuð nánast um leið og hún var sett fram
en hugmyndin hefur engu að síður loðað við málið. Albert var reyndar þekktur
glaumgosi, sagður stunda hóruhúsin í borginni og var sakaður um „kynvillu“
eða samkynhneigð sem var ólögleg í Bretlandi langt fram á tuttugustu öld. Síðar
setti breski blaðamaðurinn og rithöfundurinn Stephen Knight saman nýja kenn-
ingu upp úr þessum hugmyndum og gaf út árið 1976 í bókinni Jack the Ripper.
The Final Solution. Knight heldur því fram að raunverulegur morðingi hafi verið
Sir William Withey Gull, læknir konungsfjölskyldunnar, sem hafi verið ráðinn
af hirðinni til þess að myrða konurnar fimm því þær vissu um lausaleik Alberts
prins. Átti hann að hafa eignast dóttur með almúgakonu og vitneskja kvennanna
55 David Schmid, Natural Born Celebrities. Serial Killers in American Culture, bls. 25.
56 John Douglas og Mark Olshaker, Mindhunter. Inside the FBI’s Elite Serial Crime Unit, London:
Penguin Random House, 2017, upprunaleg útgáfa 1995, bls 398–399.
57 Robert Ressler og Tom Shachtman, Whoever Fights Monsters, bls. 32–33.
58 Þessar hugmyndir setti læknirinn Thomas E. A. Stowell fyrstur fram árið 1970. Enda þótt
hann hafi ekki getið Alberts prins með beinum hætti í skrifum sínum þá þóttust menn
samt sjá það í hendi sér. Síðar baðst Stowell afsökunar á skrifum sínum. Sjá Thomas E.
A. Stowell, „Jack the Ripper – A Solution?“, The Criminologist 18/1970, bls. 40–51.