Víðförli - 01.11.1954, Síða 102

100
VÍÐFÖRLI
flutti ávarp og sagði, að tilgangur þessarar hátíðar væri að
beina athygli manna að stórmerkjum Guðs. Síðan gerði
hann grein fyrir því, sem fram fór. Inn á græna flötina kom
fylking manna í marglitum skikkjum með fánaborg í
broddi. Marglitum Ijóskösturum var beint að þessu fólki.
Fánaborgin skipti sér og tók sér stöðu í fjórum hornum
vallarins. Þarna voru fánar þeirra 48 þjóða, er fulltrúa áttu
á þinginu. Síðan hófst leiksýning, sem sýndi með alls konar
hreyfingum, söng og lestri. Rakin var á áhrifamikinn hátt
saga í þrem þáttum. Fyrsti þáttur nefndist sköpun, þar sem
lýst var gleði, friði og fögnuði, síðan syndafalli, fráhvarfi
og ófriði. Annar þáttur nefndist friðþæging. Orðið varð
hold. Guð tók sér bústað meðal mannanna. Hann sendi son
sinn í heiminn til að brúa djúpið og verða brú manna til
eilífs lífs. Krossfestingin virtist ósigur, en í upprisunni varð
krossinn sigurtáknið. Þriðji þáttur nefndist fullkomnun.
Guðs áform er ekki fullnað. Vér biðjum ennþá: Til komi
þitt ríki. Vér lifum í von, það er í fullvissu þess, að Guð
muni standa við fyrirheiti sín, en þau eru, að Kristur muni
koma sem dómari og frelsari, og þá verði nýr himinn og ný
jörð.
Næsta dag hóf þingið störf sín af fullum krafti. Morgun-
bænir voru flesta daga kl. 8,30 í hinni stóru kirkju Method-
ista. Þær voru fluttar ýmist á ensku, frönsku eða þýzku.
Þessar þrjár tungur voru notaðar jöfnum höndum á öllum
þingfundum, þó einna mest enska. í upphafi funda fengu
aRir fulltrúar fjölritað eintak af ræðum á því máli, sem
þeir kusu. Setið var jafnan á fundum frá kl. 10—12, 3—5
(stundum til 6), 8—10 og endað með kvöldbænum í kirkju
kl. 10.30. Allsherjarfundir voru oftast á kvöldin. Þar voru
haldin ýmis erindi um störf þingsins, skipulag og fram-
söguræður í undirefnum þess. Framsöguerindin voru ýmist