Víðförli - 01.11.1954, Side 111

BOÐSKAPUR ALHEIMSRÁÐS KIRKNA AÐ EVANSTON
109
inn til himna hefur hann skapað í heiminum nýtt samfélag,
samtengt í anda hans með hlutdeild í guðlegu lífi hans, og
hefur því verið falið að boða hann um allan heim. Hann
mun koma aftur sem dómari og konungur til að fullkomna
alla hluti. Þá munum vér sjá hann eins og hann er og þekkja,
eins og vér erum þekktir. Vér bíðum þessa ásamt allri sköp-
uninni með eftirvæntingu og vitum, að Guð er trúr og að
hann jafnvel nú hefur alla hluti í sinni hendi.
4. Þessi er von Guðs barna á öllum tímum, og vér flytj-
um hana að nýju í dag öllum þeim, sem hlýða vilja. Að taka
henni er að snúa af vorum vegum inn á Guðs vegu. Það er
að lifa sem syndarar, er hlotið hafa fyrirgefningu, sem
börn, er vaxa í kærleika hans. Það er að eiga þegnrétt í því
ríki, sem engin mannleg synd getur eytt, ríki kærleika, gleði
og friðar, ósýnilegt, en umlykur þó alla menn. Það er að
taka með Kristi þátt í þjáningu og örvæntingu manna og búa
ásamt þeim yfir hinum mikla leyndardómi konungsríkis
þess, sem þeir ekki vænta. Það er að vita, að Jesús ríkir og
mun ríkja, hvað sem menn kunna að gera.
5. I þessari vissu getum vér með djörfung horfzt í augu
við öfl hins illa og ógnir dauðans. Er vér höfum verið leyst-
ir undan óttanum, hefur oss verið veitt frelsi til að elska.
Handan dóms mannanna og handan dóms sögunnar er dóm-
ur konungsins, sem dó fyrir alla menn, og hann mun dæma
oss eftir því, sem vér höfum gert minnstu bræðrum hans.
Þannig beinir oss hin kristna von vor að náunga vorum.
Það knýr oss til að biðja daglega: „Verði þinn vilji svo á
jörðu sem á himni“ og breyta samkvæmt bæn vorri á öllum
sviðum lífsins. Það getur af sér líf í trú og bæn, í eftirvænt-
ingu og framtaki, sem hefur Jesúm fyrir augum og skund-
ar til móts við þann dag, er hann kemur aftur í dýrð.
6. Fyrir atbeina þeirra kirkna, sem eru aðilar ráðs vors,