Árbók Hins íslenzka fornleifafélags - 01.01.1988, Page 59

STAÐHÆTTIR OG ÖRNEFNI í OG KRINGUM PAPEY
63
Sunnarlega á því stendur viti, en áður var þar fjögurra álna há varða,
segir L^wenorn, notuð sem sjómerki. Sunnan í Hellisbjargi neðst
(norður af Eystri Skálm) er hellir. Hefur stórgrýti hrunið fyrir munn-
ann og hækkað innganginn í hellinn, en ekki verður gengið nema rétt
inn fyrir hellismunnann, því að þá tekur við vatn, sem enginn veit, hve
langt nær, en hellisþakið lækkar inn, svo að ekki sér, hvar þak og vatn
mætast. Vatnið virðist djúpt.
Norðaustur af Hcllisbjargi er allhátt bjarg, sem heitir Brunabjarg (81).
Menn hafa getið sér þess til að þar hafi bál verið kynt, þegar á hjálp
þurfti að halda úr landi. í norðvestur og norðaustur af því er allvíðáttu-
mikil klettaþyrping, sem heitir Háubjörg (82). Vestast í þeim er lítill frá-
laus, flatur klettur, hæfilegt sæti fyrir tvo, og heitir Hvíluklettur (83), og
mun það nýlegt nafn. Krummaklettur (84) er innst og vestast í björgun-
um. Austast í þeim er klettahryggur, sem nefnist Æðarsker (85), en
austur frá Lágubjörgum, sem síðar getur, eru Æðarhólar (86), hægra
megin við götu, þegar gengið er norður í Áttahringsvog heiman frá
bænum. Sá austari þeirra er kallaður Litli Æðarhóll til aðgreiningar frá
hinum.
Frá mýrinni innan við Æðarhóla liggur lágur hryggur vestur fyrir
veginn austur í Áttahringsvog. Hann heitir Langihryggur (87). Átta-
hringsvogsbjörg (88) heita suður frá Áttahringsvog, en Lágubjörg (89)
klettabelti framan við Háubjörg. Svæðið frá Háubjörgum vestur að sjó
er mestallt mýrlent.
Frá túninu upp að Hellisbjargi fer smáhækkandi. Miðja vega er all-
löng brekka sett smáklettum og heita þar Litluklettar(90).2<’ Við austur-
enda brekkunnar er allhár, kringlóttur hóll með hárri þúfu á kollinum.
Heitir hann Einbúi (91). Þar var talin kirkja huldufólks.
Sunnan undir Hellisbjargi er uppspretta, þaðan sem nú er leitt vatn í
bæinn, og fundust þar í jörðu trékrossar (Þjms. 10101-2), þegar grafið
var fyrir vatnsveitunni. Rétt hjá eru tóftir (sjá 5. kafla). Skammt frá
þessum stað liggur mjótt sund, Króarsund (92), framan við Hellisbjarg,
og er gengið þar vestur á Skálmar.
Milli stærri Æðarhóls og Langahryggjar er mýri sem systkinin kalla
Óðinsmýri (145) vegna þess, að einu sinni fengu skipverjar á Óðni (litla)
að tína kríuegg þar. Þeir gengu svo vel að, að ekkert egg var eftir og
síðan hefur ekki sést kría í mýrinni.
26. Einu sinni hafði Gísli ætlað að byggja fjárhús við Litlukletta og var búinn að láta
draga grjót fram frá björgum í því skyni. Hætti svo allt í einu við án þess að skýra
frá ástæðu, og liggur grjótið þar enn.