Árbók Hins íslenzka fornleifafélags - 01.01.1988, Page 60

64
ÁRBÓK FORNLEIFAFÉLAGSINS
Úteyjar
Höfða, Sölveiði og Eiði hefur áður verið lýst í sambandi við strand-
lengjuna. Rétt norðan við mynni Áttahringsvogs er Flatey (93), grösug
og flatlend eins og nafnið bendir til. Suður úr henni gengur allhá berg-
hyrna, Flateyjarhyrna (94), og verpir þar talsvert af ritu. I Flatey hefur
alltaf verið um það bil helmingur af öllu æðarvarpi í Papey. Auk þess
verpir þar mikið af lunda. Milli Flateyjar og Höfða er skipgengt sund,
og þegar inn úr því kemur, er góð lega fyrir smáskip og báta í sunnan-
og norðvestanátt. Framhald af þessari legu er Áttahringsvogur. Góðan
spöl vestur af Flatey er Arnarey (95). Hún er langstærst og fegurst úteyj-
anna, með mörgum háum grösugum hólum og brekkum, bröttum og
lágum, sem sumar ilma af reyrgresi.
Syðst á eynni er brattur hóll, sem heitir Ólafarhóll (96), en þar fyrir
innan (norðan) er Háihóll (97) og er mjótt sund á milli. Austan við
Háahól eru Lágabrekka (98) og Grænahrekka(99). Á hólnum, sem hæst
ber á eynni, var kindakofi og heitir hann Kofahóll (100). Landföst gras-
torfa nyrst og vestast á Arnarey heitir Litlaeiði (101). Norðaustan á Arn-
arey er allhátt bjarg, Hnýfilbjarg (102). Það er haft fyrir mið, þegar farið
er í land. Þegar það ber í vitann, þar er best leið inn Breiðasund (103)
sunnan við Skorbein (104). Framan við Hnýfilbjarg er hár og mjór stapi,
sem heitir Arnareyjarstandur (105). Framan við Hnýfilbjarg er einnig
Grjóttangi. (106) Heitir Bás (107) á honum framanverðum og er þar
góður veiðistaður með háf. Suður af Ólafarhól er Skarfasker (108).
f Arnarey verpir rnikið af lunda og í björgunum mikið af ritu, auk
þess nokkuð af svartfugli, fýl og teistu. Oftast er gott að lenda á smá-
bátum við Arnarey og auk þess er kláfferja þangað frá eiðinu, sem áður
er getið.
Dálítinn spöl suður af Arnarey er Sauðey (109). Hún er frekar há og
öll mjög grasgefin. Þar verpir mikið af lunda og talsvert af ritu. í sjálfri
eynni eru engin örnefni, en rétt innan (norðan) við hana er skerjaklasi,
sem nefnist Háfur (110) eða Sauðeyjarháfur( 111). Rétt suður af Sauðey er
Hvanney (112). Hún er alllöng, en mjó, og verpir þar mikið af fýl. Á
korti herforingjaráðsins hafa orðið hausavíxl á Sauðey og Hvanney,
hvort sem það kann að eiga rætur að rekja til sömu villu hjá séra Jóni
Bergssyni í sóknarlýsingunni 1840 (sbr. hér að ofan), en villa hlýtur
þetta að vera á báðum stöðum, því að Lowenorn hefur nöfnin á korti
sínu frá 1822 eins og þau eru nú. Suður af Hvanney er Arfaklettur (113).
Hann er allhár syðst, en lágur nyrst. í stórbriminu 1909, „mikla rosan-