Árbók Hins íslenzka fornleifafélags - 01.01.1988, Síða 62
66
ÁRBÓK FORNLEIFAFÉLAGSINS
en sá partur þess djúps, sem næst liggur Papey að vestanverðu heiti Iða
(139). Ennfremur segir að Skjöldu- og Papeyjardjúp til samans tekin,
nær allur sá flói, sem liggur suður og vestur af Papey, inn að megin-
landi og út á Selskerjarek, kallist einu nafni Breið(\40). Vík nokkur, sem
gengur frá Barðanum inn að eynni milli Arnareyjar og Papeyjar segir
sóknarlýsingin að nefnist Flateyjarbót (141).
Af hákarlamiðum nefnir Olavius Gagnvaðstnið (142), Arfaklett (143)
og „Klakke“ (144), sem ætti þá líklega að vera Klakkur eða Klakkar, en
ekki kannast Gústaf við þetta né heldur Gagnvaðsmið, en góð hákarla-
mið segir hann vera þar sem nafnlaust sker nokkurt vestan við Arfaklett
ber í Sauðeyjarháf og bæinn aðeins norðan við Nónborg, 37 faðma
dýpi. Fiskimiðin segir Olavius að kallist Svartasker og Iðusker (Yde-
skiær), hvort sem það er nú rétt með farið.
Eftirfarandi miðavísu fór Ingimar Sveinsson skólastjóri á Djúpavogi
með úti í Papey í sept. 1971:
Mávanes ber á Melrakkanes,
mætir Krosshóll Hnjúki (eða hnjúki),
Flateyjarland á Fagrasand,
færi niður strjúki.
Almennt um aldur örnefnanna
Það liggur í hlutarins eðli að örnefnin í Papey eru misgömul. Sum
eru nýleg, jafnvel frá dögum Gísla Porvarðarsonar 1900-1948, önnur
gætu verið frá landnámsöld, einkanlega þau sem margir aðrir en Pap-
eyingar sjálfir hafa notað. En bollaleggingar um aldur nafnanna eru satt
að segja gagnslitlar, því að fátt verður til fulls vitað. Þó má benda á að
eftirtalin nöfn á skránni eru áreiðanlega frá því fyrir 1780, úr því að
Olavius nefnir þau í riti sínu: Arfaklettur, Arnarey, Áttahringsvogur,
Flatey, Flyðrusker, Hákarlavogur, Hvanney, Iðusker, Ormsbæli, Sandeyjar-
áll, Sauðey, Selavogur, Selsker, Skorbeinsáll.
Eldri en frá 1822 eru auk þess eftirtalin nöfn úr því að Lowenorn
hefur þau: Flateyjarsker, Steinbítssker.
Eldri en frá 1840 eru enn fremur eftirtalin nöfn úr því að þau eru talin
í sóknarlýsingunni það ár: Barði, Bjarg, Eiði, Góðabjarg, Hellisbjarg,
Hrafnabjörg, Höjði, Kirkjuvík, Papeyjarálar, Skálmabjarg, Trévík.
Samkvæmt þessu eru 27 örnefni skrárinnar örugglega eldri en frá
1840, þar af 14 eldri en frá 1780. Geymd örnefna í Papey er því tiltölu-
lega góð, en þó má nærri geta að fleiri nöfn séu að minnsta kosti eins
gömul og þessi, þótt heimildir séu nú engar um það. Þetta er aðeins að