Árbók Hins íslenzka fornleifafélags - 01.01.1988, Qupperneq 240

244
ÁRBÓK FORNLEIFAFÉLAGSINS
Sjóminjasafn
Sjóminjasafnsnefnd var endurskipuð á árinu og eiga nú sæti í henni:
Árni Johnsen formaður, Eiríkur Tómasson, Geir Gunnarsson, Gunnar
Ágústsson, Margeir Jónsson, Pétur Sigurðsson og Runólfur Þórarins-
son. Þá starfar þjóðminjavörður með nefndinni. Hélt þessi nýskipaða
nefnd einn fund á árinu.
Áfram var aflað ýmissa gripa til safnsins og má helzt nefna, að það
eignaðist 12 smálesta vélbát, Höfrung BA 60, frá Bíldudal, smíðaðan
1929. Var Höfrungur með elztu bátum flotans og einn hinna síðustu
með því smíðalagi, sem algengast var fram yfir síðari heimsstyrjöld.
Bátnum var ko'rnið fyrir til geymslu um sinn á geymslusvæði Reykja-
víkurhafnar í Orfirisey.
Þá lét safnið gera við trillubát frá sama ári, sem lengst af var á Hegg-
stöðum á Heggstaðanesi.
Byggingaframkvæmdir eru ekki hafnar á fyrirhuguðu safnsvæði á
Skerseyri, enda fjárveitingar engar til byggingar, og er sýning safnsins
því enn í Bryde-pakkhúsinu í Hafnarfirði. - Gyða Gunnarsdóttir liefur
umsjón með safninu sem fyrr.
Tæknisafn
Á árinu var margt gripa flutt í geymsluna í Dugguvogi, einkum það
sem flytja varð frá Bessastöðum. Voru settir þar inn þeir hlutir, sem
beztan aðbúnað þurfa.
Hafin var viðgerð gamals veghefils, sem smíðaður var í Noregi að
líkindum 1925 og er miðað við að hann geti orðið á sýningu Fornbíla-
klúbbsins næsta sumar. Sér Pétur G. Jónsson um viðgerðina, en mikið
af tíma hans þetta árið fór í flutninga og söfnun hvers kyns safngripa.
— Þá gerði hann við forna ljósahjálma í ýmsum kirkjum, Hóladóm-
kirkju, Kirkjubæjarkirkju í Hróarstungu og Möðruvallakirkju í Eyja-
firði.
Á árinu gafjóhann Pétursson safninu vörubíl af Ford-gerð, frá 1929,
sem hann var hálfbúinn að gera við.
Talsverðu var safnað á árinu af gömlum loftskeytatækjum, og annað-
ist Valdemar Jónsson það verk.
Byggðasöfn
í frumvarpi til nýrra sveitarstjórnarlaga var ráð fyrir gert, að ríkis-
styrkir til byggðasafna féllu niðnr og þau yrðu algerlega á framfæri
sveitarfélaga, en efla átti Jöfnunarsjóð sveitarfélaga og skyldu byggða-
söfnin fá styrk úr honum. Þessu var víða harðlega mótmælt, þar sem