Uppeldi og menntun - 01.01.1997, Page 27

RANNVEIG A. JÓHANNSDÓTTIR
Við komum parna einu sinni á ári í heimsókn með börnin sem eru sex ára. Það er
yfirleitt afskaiplega vel tekið á móti okkur. Við fáum að sitja í einum tíma eða tveim
og svo er það bara búið spil. (Leikskólastjóri 2)
Starfsfólk leikskólans hafði skarpari skoðanir á samstarfi skólastiganna en starfsfólk
grunnskólans.
Mér finnst að við séum komin alltof stutt í samvinnu. Starfsmenn grunnskóla og
leikskóla þurfa að hittast meira ... Skólayfirvöld reikna ekki með neinum tíma í
svona tengingu, þetta krefst náttúrlega tíma ...Við fórum á fund sem var boðaður
af fræðslustjóra þar sem umræða var um tengingu þarna á milli. Mér finnst hún
eigi að vera, en þarna voru líka neikvæðar raddir sem töldu enga þörf á því að vita
hvað börnin væru búin að gera hjá okkur áður en þau kæmu i skólann. Þetta er
auðvitað vontfyrir barnið ... (Leikskólakennari 1)
- Við leitum alltafeftir þvíaðfá að koma. Það er ekki haft samband við okkur hvort
við viljum koma. Eg sakna þess svolítið ... Ég er ekki að kenna neinum um. Þetta
er bara svona. Ég held að samvinnan þarna á milli gæti verið miklu meiri. (Leik-
skólastjóri 2)
- Við erum með þetta svona íhuga. Okkur langar að koma á þessum tengslum ...
Við verðum að vita hvað er verið að gera í leikskólanum. (Kennari A)
- Ég held að það séu að gerast mjög góðir hlutir í leikskólanum sem tengjast
móðurmálinu, einmitt þessi málörvun, frásagnir. (Kennari B)
Hugmyndir um samstarf tengdust bæði opinberum aðilum eins og ráðuneyti og
starfsfólki í leikskóla og grunnskóla í sama hverfi. Brýnt þótti að starfsmenn skóla-
stiganna hittust og kynntust starfi á hvoru skólastiginu um sig. Þá væri hægt að
marka barninu eðlilega samfellu í námi sínu en hún var ekki talin vera til staðar.
Viðmælendur töldu að oft gleymdist að verið væri að ræða um sama einstaklinginn
þó að hann færi frá einu skólastigi yfir á annað.
Sp: Efáhugi værifyrir hendi að þróa samstarf á milli skólastiganna, hvernig sérðu
það ganga fyrir sig?
Sv: Það þarf áhuga fyrst og fremst á báða bóga ... og það þarf tíma og það þarf að
greiða þá tíma. Þetta er undirbúningsvinna og þetta er ekkert sem gerist öðruvísi.
(Skólastjóri B)
- ... Ég held að hvor aðilinn þurfi að gera sér grein fyrir hvernig er unnið á hvoru
skólastigi með þessi börn. Þetta eru sömu börnin ... og það er eins og þetta sé
annar einstaklingur þegar hann kemur í skólann í hitt kerfið. Það er engin samfella
þarna á milli... Fyrst held ég að við þyrftum að að vita hvað er gert og setja okkur
markmið hvernig á að vinna. (Leikskólastjóri 1)
UMRÆÐA
Rannsóknin bregður ljósi á hlut móðurmáls í daglegu starfi og kennslu hjá elstu
börnum í leikskóla og hjá byrjendum í grunnskóla. Hún hefur jafnframt leitt í ljós
afstöðu kennara og skólastjórnenda í skólunum til ýmissa atriða er snerta uppeldis-
starf þeirra og ábyrgð í skólastarfinu. í umræðunni hér á eftir mun ég taka mið af
rannsóknarspurningunum og fyrst ræða um leikskóla og síðan um grunnskóla.
25