Uppeldi og menntun - 01.01.1997, Síða 105

BÖRKUR HANSEN, ÓLAFUR H. JÓHANNSSON, STEINUNN HELGA LÁRUSDÓTTIR
með yfir 300 nemendur. Svör skólastjóra á Reykjanesi og Suðurlandi eru nokkuð
frábrugðin svörum skólastjóra í öðrum fræðsluumdæmum, en í þessum tveimur
umdæmum eru hlutfallslega flestir sem setja áætlanagerð í þriðja sæti. Ekki er þessi
munur þó marktækur.
Málefni netnenda
Skólastjórar telja að málefni nemenda valdi þeim minnstum erfiðleikum í starfi.
Nokkur munur kom fram á milli fræðsluumdæma. Á Vestfjörðum, Norðurlandi
vestra og Suðurlandi virðist þessi málaflokkur valda skólastjórum minnstum erfið-
leikum í starfi. Þessi munur var þó hvergi tölfræðilega marktækur. Málefni nem-
enda virðast einnig valda kynjunum mismunandi miklum erfiðleikum því hlutfalls-
lega fleiri karlar en konur töldu málefni nemenda valda sér erfiðleikum í starfi. Sá
munur var þó ekki tölfræðilega marktækur.
Viðfangsefni sem veita ánægju
Viðfangsefni sem valda erfiðleikum í starfi þurfa ekki endilega að leiða til óánægju
þótt það eigi við um hegðun nemenda, eins og fram kemur í Töflu 2. Á sama hátt
veita málefni nemenda skólastjórum mesta ánægju í starfi, jafnframt því að valda
þeim minnstum erfiðleikum. Námskrárvinna lenti í öðru sæti og endurnýjun í starfi
í því þriðja. Minnsta ánægju veittu þættirnir fræðsluskrifstofur/ráðuneyti og hegð-
un nemenda.
Málefni nemenda
Það viðfangsefni sem veitir skólastjórum mesta ánægju í starfi er málefni nemenda.
Nánast enginn marktækur munur kom fram í svörum skólastjóra milli þessa þáttar
og þeirra sem til skoðunar voru sem bakgrunnsbreytur. Þó kom í ljós að málefni
nemenda virðast veita skólastjórum sem eru yfir sextugt meiri ánægju en þeim sem
yngri eru. Munur milli fræðsluumdæma var lítill þótt hlutfallslega færri skóla-
stjórar í Reykjavík en í öðrum fræðsluumdæmum teldu málefni nemenda veita sér
ánægju í starfi.
Námskrárvinna
Námskrárvinna var í öðru sæti yfir þau viðfangsefni sem veita skólastjórum ánægju
í starfi. Marktækur munur kom fram í svörum skólastjóra eftir kyni og eftir aldri.
Hlutfallslega fleiri konur en karlar telja að námskrárvinna veiti sér ánægju í starfi.
Þeir skólastjórar sem setja námskrárvinnu í annað sæti yfir ánægjuleg viðfangsefni
eru hlutfallslega fleiri á milli þrítugs og fertugs en í öðrum aldurshópum. Skóla-
stjórar á milli fimmtugs og sextugs eru aftur á móti hlutfallslega fæstir þeirra sem
telja að námskrárvinna veiti sér starfsánægju.
Endumýjun í starfi
Skólastjórar telja endurnýjun í starfi þriðja ánægjulegasta viðfangsefni sitt. Mark-
tækt samband kom fram milli endurnýjunar í starfi og aldurs skólastjóra því þetta
viðfangsefni virðist veita skólastjórum á milli þrítugs og fertugs mesta ánægju.
103