Tímarit Máls og menningar - 01.12.1974, Qupperneq 19

Sjö dauðasyndir smáborgaranna
siana, og að baki þeim rís litla húsið sem þau eignast með því að hliðra sér
hjá hinum sjö dauðasyndum.
LJÓÐ SYSTRANNA
Systir mín og ég erum fæddar í Louisiana
Við Mississippivötn sem streyma undir tunglinu
Einsog þér fáið að vita í söngvunum
Og við viljum seinna fara þangað aflur
Heldur í dag en á morgun.
Við héldum burt fyrir fjórum vikum
Til stórborganna, að höndla gæfuna
Og á sjö árum, trúum við, mun okkur takast það
Þá snúum við aftur heim
En heldur strax eftir sex ár.
Því foreldrar okkar og bræður tveir bíða okkar
í Louisiana
Við sendum þeim hvern eyri sem við þénum
Og fyrir þessa peninga mun verða byggt
Lítið hús við Mississippifljót í Louisiana
Ekki satt, Anna?
Jú, Anna.
Systir mín er falleg, ég er hagsýn
Systir mín er dáldið galin, ég er fyrir skynsemina.
Við erum eiginlega ekki tvær
Heldur ein og sama manneskja.
Við heitum báðar Anna
Við eigum sömu fortíð og sömu framtíð
Sama hjarta og sömu sparisjóðsbók
Og hvorug gerir neitt sem hinni er til meins
Ekki satt, Anna?
Jú, Anna.
10 TMM
145