Tímarit Máls og menningar - 01.12.1974, Blaðsíða 70

Tímarit Máls og menningar
— Samvinnufélag ísfirðinga starfaði all-lengi?
— Já, það gerði það. Finnur bróðir minn var forstöðumaður þess alla
tíð.
— Þú hefur verið kvæntur maður á þessum árum?
— Ég giftist 1922 Ingibjörgu Steinsdóttur leikkonu, og áttum við saman
fimm börn. Við slitum síðar samvistum.
— Fékkst Ingibjörg kona þín við leikstarfsemi á Akureyri og ísafirði?
— Já, og ég fékk tvö lítil hlutverk í Lénharði fógeta, þegar hann var
sýndur í fyrsta skipti á Akureyri. Ég hafði líka leiðbeint við uppsetningu
leikrita þar, t. d. Kinnarhvolssystra. Á ísafirði settum við stundum upp
leikrit fyrir stúkuna og verkalýðsfélögin. Eggert Stefánsson söngvari heim-
sótti okkur stundum og gisti hjá okkur. Honum þótti skrýtið, að við skyldum
fást við þetta. Ég hafði gaman af þessu, og konan mín var ákaflega vel gerð
til þessara hluta.
— Á þessum árum ert þú bæjarstjóri á ísafirði fyrir tilstyrk Alþýðu-
flokksins, en um leið félagi í Kommúnistaflokki Islands. Olli það ekki mis-
klíð?
— Ekki verulegri, en nokkurri. Mér þykir samt ósennilegt, að ég hefði
verið kjörinn bæjarstjóri aftur 1934, ef ég hefði sótt um starfið, en í des-
ember 1933 hafði ég tilkynnt bæjarstjórninni, að ég mundi ekki sækja um
það aftur. Þau ár sem ég var bæjarráðsmaður og bæjarstjóri á ísafirði, allt
frá 1926 til 1934, fékk ég ekki eyri lánaðan í bönkum handa Isafjarðarkaup-
stað. Óll umsvif bæjarins ultu á innheimtu gjalda og skulda frá fyrri árum.
Ég var formaður í skattanefnd og líka í niðurjöfnunarnefnd. Þau nefndar-
störf tóku upp frítíma minn frá lokum janúar til loka marz. Á þessu var ég
farinn að þreytast dálítið.
— Þú hverfur þá úr bæjarstjórastöðunni 1934?
— Við tók Jón Auðun Jónsson, og var ég með honum einn mánuð til að
setja hann inn í starfið, en ekki áttum við skap saman.
— Eru margir menn þér minnisstæðir frá Isafirði?
— Þeir eru of margir til að ég geti talið þá upp. Þar voru Vilmundur
Jónsson, síðar landlæknir, Guðmundur G. Hagalín, þá bókavörður, Jón Sig-
mundsson trésmiður, Eiríkur Einarsson skipstjóri, svo að nokkrir séu nefndir.
VIII
— Hvert hélztu frá ísafirði?
— Fjölskylda mín fór fyrst norður á Akureyri, en ég fór til Reykjavíkur
196