Skírnir - 01.01.1963, Blaðsíða 107
Skírnir
tJr sögu skinnbóka
95
og annar skrifar ‘ek’; ]iá verður að ætla að þetta sé ekki
skrifað eftir miðja 16. öld, en af stafagerð verður að teljast
líklegast að það sé ekki skrifað fyrir 1500.
Þeir menn sem helzt kemur til álita að hafi skrifað nöfn
sín á þessi blöð í barnæsku sinni, eru þeir bræðrasynimir Páll
Vigfússon, lögmaður á Hlíðarenda í Fljótshlíð (1511—1570;
Jón Egilsson, annálaritari, segir að hann hafi verið tíu vetra
er faðir hans lézt, sjá Sajn til sögu Islands I, bls. 81), sonur
Vigfúsar Erlendssonar, lögmanns (d. 1521), og Jón Narfason,
Erlendssonar. Um Jón þennan er getið í viðbótargrein við
Bikupaannála Jóns Egilssonar: ‘Á dögum biskups ögmundar
drukknuðu ij bræður á Eyjarvaði, Jón og Gvendur; þeir voru
synir Narfa Erlendssonar, bróður Fúsa lögmanns, föður Páls
heitins. Það bar svo til, að annar þeirra rotaði hestinn undir
sér svo hann datt, en hinn ætlaði að hjálpa honum og datt
hann þá af baki’ (Safn I, bls. 80). Páll Vigfússon og Jón
Narfason hafa væntanlega verið á svipuðum aldri. Afi þeirra
var Erlendur Erlendsson, sýslumaður í Rangárþingi (d. 1495).
Hans sonur var einnig Þorvarður lögmaður (um 1466—1513),
og kynni að vera sá sami Þorvarður sem getið er í setning-
unni: ‘Þorvarður skrifar illa’. En ef þessir menn eru þeir
sömu sem nöfn þeirra standa í 62, hefur handritið væntan-
lega verið í eigu Hlíðarendamanna. Þess skal þó getið, að
hugsanlegt er að þeir frændur Páll og Jón hafi skrifað í bók-
ina í Skálholti, ef hún hefur heyrt Skálholtskirkju til, eins og
Árni Magnússon gizkaði á. Ég tel fyrri kostinn þó af tvenn-
um ástæðum sennilegri. 1 fyrsta lagi er líklegt að ÁM 81a
fol., sem áður er nefnt, hafi verið í eigu Þorvarðar Erlends-
sonar (sjá áður nefnda lntroduction, bls. 14—15), en sterkar
líkur benda til að 81a og 62 hafi um eða skömmu eftir miðja
15. öld verið á sömu slóðum, og er því ekki ósennilegt að þær
hafi báðar komizt sem erfðagóss í eigu Hlíðarendamanna,
önnur til Þorvarðar, hin til Vigfúsar. En þar sem báðar munu
hafa verið í Eyjafirði, kemur helzt til greina, að þeir bræður
hafi erft bækumar eftir móður sína Guðríði Þorvarðardóttur
frá Möðruvöllum, Loptssonar. 1 öðru lagi er vitað að Magnús
Hjaltason í Teigi i Fljótshlíð, systursonur Páls Vigfússonar