Skírnir - 01.01.1963, Side 111
Skírnir
tJr sögu skinnbóka
99
Guðinason hafa verið honum handgenginn. Jón Sigurðsson
(Safn II, bls. 84) taldi Jón þennan bróður Helga lögmanns
Guðnasonar (nafnið Guðni var áður skrifað Guðini eða Guð-
eni); en ef hér er um að ræða þann sama Jón Guðinason
sem vel las bóksöguna, hefur Reykjarfjarðarhók væntanlega
verið í Skagafirði á fyrri helmingi 15. aldar. Þess skal þó get-
ið þegar í stað, að á þeim tíma hafa vafalaust verið fleiri menn
uppi með þessu nafni og líklega aðrir læsir en sá sem kemur
við bréfin, en hann hefur það til síns ágætis að við vitum að
hann var til, og auk þess fær hann stuðning úr annarri átt,
og skulu þræðirnir nú raktir eftir miklum krókaleiðum.
VI
Skinnbók ein í Árnasafni harðla skringileg er auðkennd
ÁM 764 4t0; tvö blöð úr þeirri bók hafa orðið viðskila við
hana áður en Árni Magnússon eignaðist hana, og eru nú auð-
kennd ÁM 162 fol., hrot m. Á þessum blöðum eru ættartölur
sem síðast eru gefnar út af Jóni Helgasyni í Byskupa SQgum I
(Kbhvn 1938), en mörg rök eru fyrir því að blöð þessi hafi
upphaflega tilheyrt 764, og mun ég gera grein fyrir þeim ann-
ars staðar. Á nokkrum blöðum í 764 mun vera hönd Brynj-
ólfs ríka Bjarnarsonar á Ökrum í Blönduhlíð, og hann er einn
yngstur þeirra manna sem nefndir eru í ættartölunum (d.
16. febrúar 1381); ég hef því fyrir satt að hann hafi látið
gera 764. I ættartölunum eru fáeinar línur teknar beint eftir
Sturlungu (Byskupa SQgur 1938, bls. 94“13), og nú bregður
svo undarlega við að textinn í ættartölunum er, með einni
undantekningu, samhljóða Reykjarfjarðarbók, en dálítill orða-
munur er í Króksfjarðarbólc (ÁM 122a fol.). Þessi orðamun-
ur skal talinn hér; leshættir Króksfjarðarbókar standa fyrir
framan homklofann, en leshættir Reykjarfjarðarbókar (merkt-
ir með II) og ættartalnanna (merktir með Bœ) fyrir aftan.
Blaðsíðutöl og línu vísa til útgáfu Kálunds af Sturlungu
(fyrra bindis):
472li Sværtings dottur] d. Suertings II, Bæ.
501 d. dottur Sceggeia] dottur Skeggia II, Bœ.