Skírnir - 01.01.1963, Blaðsíða 161
MAGNÚS MÁR LÁRUSSON:
UM HVALSKIPTI ROSMHVELINGA.
Til er forn skrá um hvalskipti Rosmhvelinga, sem prentuð
er í DI II 70—80, nr. 26, og ársett um 1270, án þess að þar
fylgi nokkur röksemdafærsla. Fylgja henni tveir vitnisburðir
um framkvæmdaatriði, og er réttilega á það bent, að þeir geti
varla verið miklu yngri en sjálf skráin. Fyrri vitnisburður-
inn er svardagi Bjama Þórissonar og Brands Áskelssonar. Um
þessa menn er ekkert kunnugt. Síðari vitnisburðurinn er svar-
dagi Gregoríusar Pálssonar og Andrésar Bjarnasonar. Um þá
er eigi heldur vitað neitt eftir beinum heimildum. Þó má ef
til vill koma sennilegum ágizkunum við. Gregoríus er líklega
fyrirmannsheiti, og mætti þá geta sér þess til, að hann væri
sonur Páls Þorsteinssonar Hvalnesings, er fyrst getur í heim-
ildum eftir 1253 og virðist koma við skjöl 1270 og 1284, Sturl.,
DI II 88 og 245. Andrés Bjarnason gæti verið sonur Bjarna
bónda að Utskálum, er getur í tveimur jarteinum heilags Þor-
láks árið 1323 og kemur við gerning 1340, er hann lætur
hálfa Utskála af hendi við Jón biskup Indriðason. Bps. I 258n.,
DI II 733n. Þó gæti Andrés verið andaður, því að afsal þetta
var til þess að tryggja framfæri Hrómundar Bjarnasonar. Að
vísu kemur fyrir Andrés bóndi á Býjaskerjum, og er hann
bersýnilega annar en Andrés Magnússon í Kvíguvogum, því
að Andrés á Býjaskerjum er talinn andaður þó nokkru fyrir
1397. DI IV 105, 106.
Ef til vill hefur hann andazt um það bil 20 árum fyrir
1397, en búið í 32 ár, þ. e. frá 1345—77, sé portio kirkjunnar
reiknuð 5 aurar á ári. Ætti Bjarni Guttormsson eða Ingibjörg
kona hans þá að hafa átt Býjasker, en ekki er loku fyrir það
skotið. Máldaginn er sá sami í Hítardalsbók. Gæti það, ef til
vill, hnikað þessu til um 30 ár.