Skýrsla miðstjórnar Alþýðusambands Íslands um starf sambandsins 1946-1948 - 14.11.1948, Blaðsíða 77
hreinir launþegar, verði í einu og saraa félaginu, án skipulagslegrar
aðgreiningar (3. gr).
Þessi atriði, ásamt fleiri ákvæðum í lögum þessa félags, samrýmast
ekki lögum og starfsháttum A.S.Í.
Síðast en ekki sízt:
Öll framkoma og starfsaðferðir þeirra, er staðið hafa fyrir stofnun
svonefnds Bílstjórafélags S.-Þingeyjarsýslu, hafa borið ótvíræðan svip
óvinsamlegrar og jafnvel fjandsamlegrar afstöðu til Alþýðusambands-
ins og þeirra stéttarfélaga bílstjóra og verkamanna innan sambands-
ins, sem starfandi eru fyrir í sýslunni, og hefur m. a. lýst sér i því,
að forgöngumenn svonefnds Bílstjórafélags S.-Þingeyjarsýslu hafa
ekki viljað viðurkenna löglegan og samningsbundinn rétt sambands-
ins og sambandsfélaganna i sýslunni, hafnað allri samvinnu við þau
og sambandið í þessu máli, stofnað hvert félagið á fætur öðru, ofan
1 félags- og kjarasvæði sambandsfélaganna, og gert tilraun til að
kljúfa hóp manna út úr Verkamannafélagi Húsavikur.
Loks höfum vér tilkynnt ofannefndu félagi, að af skipulagslegum
ástæðum yrðu ný smáfélög í dreifbýli ekki tekin í sambandið fyrr
en milliþinganefnd i skipulagsmálum sambandsins hefði skilað áliti.“
Naumast þarf að taka það fram, að bændafélag þetta hefur þegar
kjörið fulltrúa á sambandsþing.
Við þennan þátt skipulagsmálanna hefur verið dvalið all mikið til
þess að sýna með skýrum dæmum hvílík nauðsyn verkalýðssamtök-
unum er að spyrna fótum við hættu þessari, ef sjálfstæði þeirra sem
stéttarsamtaka á ekki að líða undir lok.
Skrifstofa á Siglufirði
Eins og að undanförnu hefur sambandið starfrækt skrifstofu á
Siglufirði yfir síldveiðitímann. Skrifstofa þessi hefur reynzt hin
mesta hjálparhella á ýmsum sviðum fyrir sjómenn og aldrei verið
sótt eins mikið og að þessu sinni. — Verkamannafélagið Þróttur hefur
enn sem fyrr verið sambandinu hjálplegt um skrifstofupláss og á
miklar þakkir skyldar fyrir það og aðra góða aðstoð.
Kristján Eyfjörð meðlimur sambandsstjórnar var að þessu sinni
eins og áður aðal starfsmaður sambandsins á skrifstofunni.
77