Skýrsla miðstjórnar Alþýðusambands Íslands um starf sambandsins 1946-1948 - 14.11.1948, Blaðsíða 56
Verkalýðsmál á Alþingi
Saga verkalýðssamtakanna er saga þrotlausrar baráttu fyrir bættum
kjörum vinnandi stétta. Með aukinni einingu þessara samtaka hefur
baráttan harðnað, en jafnframt fært þeim fleiri sigra. — Verkalýður-
inn hefur ekki einungis orðið að reyna að bæta kjör sin með samn-
ingum, sem sjaldnast hafa náðst án verkfalla, við atvinnurekendur,
heldur verða þeir þingmenn, sem eru fulltrúar alþýðunnar á Alþingi,
að berjast þar fyrir ýmsum hagsmunamálum hennar. — Frá þvi að
eining komst á innan heildarsamtaka verkalýðsins 1942 og til þessa,
hafa verið gerðar margar ályktanir og tillögur á Alþýðusambands-
þingum um ýms mál, sem síðan hafa verið tekin upp af fulltrúum
verkalýðsins á Alþingi. Má þar nefna frumv. til laga um lengingu
hvíldartima háseta á íslenzkum botnvörpuskipum, breytingu á lögum
um orlof, um byggingu verbúða og eftirlit með þeim, um öryggismál
sjómanna og verkamanna og ýms önnur hagsmunamál verkalýðsins,
og verða nú hér á eftir rakin hin helztu þeirra. —
Ný vökulög
Á 17. þingi Alþýðusambands íslands 1942 var samþykkt eftirfar-
andi tillaga um hvíldartíma togarasjómanna:
„17. þing Alþýðusambands íslands skorar á Alþingi að taka togara-
vökulögin til endurskoðunar og lengja hvxldartíma togarasjómanna
upp i 12 stundir á sólarhring."
Á 19. þingi Alþýðusambands íslands 1946 voru aftur bornar fram
ýtarlegar tillögur varðandi launakjör og aðbúnað sjómanna, sem sam-
þykktar voru einróma.
Á Alþingi 1946 fluttu þeir Hermann Guðmundsson og Sigurður
Guðnason því frumvarp til laga um lengingu hvíldartíma háseta á
íslenzkum botnvörpuskipum, og var það svohljóðandi:
„Frumvarp til laga um breyting á lögum nr. 53 27. júní 1921, um
livíldartíma háseta á islenzkum botnvörpuskipum, og á lögum nr. 45
7. maí 1928, um breyting á þeim lögum. Flm.: Hermairn Guðmunds-
son, Sigurður Guðnason.
1.—2. gr. laganna orðist svo:
Þá er skip er að veiðum með botnvörpu eða á siglingu milli inn-
56