Skýrsla miðstjórnar Alþýðusambands Íslands um starf sambandsins 1946-1948 - 14.11.1948, Síða 106

Nokkrar aðrar endurbætur fengust einnig á öðrum liðum fyrri samn-
ings.
Samningurinn gildir í eitt ár frá 1. maí að telja.
Nýr samningur á Blönduósi
Að kvöldi 1. maí var undirritaður nýr kjarasamningur milli Verka-
lýðsfélags A.-Húnvetninga og atvinnurekenda á Blönduósi. Samkvæmt
þessum samningi er nú almennt dagkaup verkamanna kr. 2.60 (áður
kr. 2.30). Almenn skipavinna kr. 2.85 pr. klst. (áður kr. 2.55), kol, salt,
sement kr. 3.15 (áður kr. 2.80). Vinnustöðvun hafði staðið í nokkra
daga.
Nýir samningar á Seyðisíirði
1. maí var undirritaður nýr kjarasamningur milli Verkamannafé-
lagsins Fram á Seyðisfirði og atvinnurekenda þar. Samkvæmt hinum
nýja samningi hækkaði grunnkaup verkamanna í almennri dagvinnu
úr kr. 2.50 í kr. 2.60 á klst. Grunnkaup i skipavinnu hækkaði úr kr.
2.80 í kr. 2.90 á klst. Grunnkaup i kola-, salt- og sementsvinnu hækkaði
úr kr. 3.20 í kr. 3.30 á kíst. Með þessum samningi eru verkamenn á
Seyðisfirði komnir 1 hin almennu Austfjarðakjör.
Nýr langierðataxti vörubílstjóra í Eeflavík
Hinn 1. maí var undirritaður samningur um nýjan langferðataxta
milli Vörubílstjóradeildar Verkalýðs- og sjómannafélags Keflavíkur
og atvinnurekenda. Hinn nýi taxti er í samræmi við taxta Vörubíl-
stjórafélagsins Þróttar í Reykjavík, og er þannig:
1. Langferðataxti á vegalengd yfir 50 km. er sem hér segir: Kr. 1.60
fyrir ekinn km. með flutning aðra leiðina, að 2.500 kg.
2. Kr. 1.82 sé hlassið 3000 kg.
3. Ef flutningur er báðar leiðir, reiknast léttara hlassið á hálfu verði
miðað við þunga.
4. Langferðataxti á vegalengd 50 krn og styttri er kr. 1.75 pr. km.
Flutningur báðar leiðir reiknast samkv. 3. gr.
5. Sé um að ræða þyngri hlöss en að framan greinir, greiðist tilsvar-
andi hærra verð.
106