Ritið : tímarit Hugvísindastofnunar - 01.05.2020, Blaðsíða 199
AnA StAnićević
198
Forlagið hefur staðið fyrir fleiri sýningum og gjörningum á nýliðnum árum.
árið 2015 var Transspecies – An Assembly Across Species Lines21 (Transtegundir
– safn þvert á mörk tegundanna) haldið í Kaupmannahöfn, þar sem fjöldi
listamanna rannsakaði mörkin á milli „okkar“ og „þeirra“ á ýmsum formum.
Laboratoriet for Æstetik og Økologi tók einnig þátt í tónlistarhátíðinni
í Hróarskeldu, Roskilde Festival, árið 2017 með eigin hátíð, „Multispecies
Festivities“ (Fjöltegundahátíðarhöld),22 en hún var helguð ekki-mannlegum
tegundum og beindi sjónum að áhrifum slíkrar tónlistarhátíðar á þau. Þar
voru settir upp gjörningar á borð við tilraun til að búa til gagnvirka inn-
setningu undir heitinu „Human-Tree-Machine“ (Manneskju-tré-vél) til að
„tala við“ fjörutíu ára gömul kastaníutré í tölvuspjalli. Verkefnið var unnið
í samstarfi margra aðila af ólíkum starfssviðum, allt frá verkfræðingum,
myndlistarmönnum, forriturum, líffræðingi og rithöfundi til arkitekts. Þátt-
taka vísindamanna í þessu listaverkefni er enn og aftur tilraun til að láta það
sem áður fyrr var talið óhugsandi og aðskilið, koma saman og skapa nýja
möguleika og skilning á náttúru og listum. Segja má að verið sé að bregða
vísvitandi á leik með þessa margræðni til að sýna fram á nauðsyn þess að allir
vinni saman því að við ríkjandi aðstæður er slík samvinna nauðsynleg. Hugs-
unin er sú að þetta sé leiðin til að öðlast skilning á náttúrunni og það geti
vonandi hjálpað okkur að bjarga heiminum í því hættuástandi sem nú ríkir.
Forlagið hefur skipulagt fleiri sýningar en vinnur nú auk þess að stærra
verkefni, Hydra, sem hefur það að markmiði að rannsaka „tilurð vatns, áföll
þvers yfir líkama og haflækningu“ („en udforskning af vandede verdnin-
ger, transkropslige traumer og oceanisk healing“).23 Sem hluta af þessu
verkefni hefur sænsk-norska listakonan Malin Bülow unnið gjörninginn
Hydrosphere (Vatnskúla) og kanadísk-íslenska listakonan angela rawlings
gjörninginn Watery Worldings (Vatnshnettir), sem báðir voru settir upp við
sjávarsíðuna. Dæmin vitna um þá athygli sem beint er að staðnum. Sýningin
er tekin út fyrir hefðbundna hvíta veggi listasafnsins og flutt út í náttúruna,
að sjónum, á ströndina. Tvíhyggjan um náttúru og menningu er sett í upp-
nám og jöfnuð út.
21 „Transspecies – An Assembly Across Species Lines“, Laboratoriet for Æstetik og Øko-
logi, sótt 15. júlí 2020 af http://www.labae.org/past#/transart.
22 „Multispecies Festivities at Roskilde Festival ´17“, Laboratoriet for Æstetik og Økologi,
sótt 15. júlí 2020 af http://www.labae.org/past#/roskilde-festival-17.
23 „Hydra“, Laboratoriet for Æstetik og Økologi, sótt 17. maí 2019 af http://www.labae.
org/hydra (þegar heimasíðan var síðast skoðuð 15. júlí 2020 var tilvitnunin þar ekki
lengur).