Freyr - 01.01.1955, Blaðsíða 116
Hind, nr. 294, á fjárræktarbúinu á Hesti haiistið 1950 með sonum sínum, veturgömlum og lambi.
Ærin var af Kleifastofni, keypt fullorðin af Eggert Stefánssyni frá Kleifum, þá á Brunngili í Bitru.
„Verðlaun veitast fyrir sauðfé einungis fyrir
hrúta og ær. Hrútar skulu vera á aldrinum 1—5
vet. Þeir séu stórir, þykkvaxnir með breiða bringu,
kviðmiklir. Ullin sé bykk, þel-mikil, ekki mjög
síð, því þá er hún jafnan gisnari; svipmiklir,
nasaflæstir, sem þykir merkja stórt brjósthol og
lungnahreysti. Þeir skulu vera tápmiklir og hörku-
legir á svip. Ær skulu ætíð sýndar, ekki færri en
3, með hverjum hrút. Þær skulu vera að vaxtar-
lagi og ullarlagi líkar því, sem tekið er fram á
hrútum. Jafnan sé þess gætt, að ærin sé þykkvaxin
að aftan, hafi breiðan spjaldhrygg og malir, og
mjúkt holdafar. Sönnun sé fyrir því, að hinar
sýndu sauðkindur séu af góðu kyni. Æskilegast
væri, að sýndar væru ættartöluskrár yfir sauðfé,
yfir fleiri eða færri ár, eftir ástæðum“.
Ennfremur er lagt til að sýslunefnd til-
nefni 2 menn í hverjum hreppi, er gefi vott-
orð um meðferð alls búpenings hjá þeim, er
gripi sýna og fái þeir ekki verðlaun án slíks
vottorðs. Sýningar verði haldnar á 3—4
ára fresti.
Þrátt fyrir þann áhuga, sem kemur fram
í Skagafirði og Arnessýslu eftir 1890, og
skilning á gagnsemi búfjársýninga, virðist
lítið hafa orðið úr framkvæmdum, sýning-
ar ekki haldnar nema við og við á stöku
stað, þar til upp úr aldamótum, að Búnað-
106
fimmtíu ára
FREYR