Freyr - 01.01.1955, Síða 281
Hin fræga Mærismýri, þar sem fjölþættar tilraunir eru stöðugt gerðar.
er að ræsa fram. Má helzt ekki vera lengra
en ca. 10 m. á milli ræsa.
En jarðvegsrannsóknir hafa leitt í Ijós
að í þessuni tiltölulega þunna jarðvegslagi,
er bundinn geysimikill forði af verðmæt-
um jurtanærandi efnum, sem Ieysist því
aðeins úr læðingi, að hægt sé að ræsa land-
ið vel. T. d. hafa rannsóknir sýnt, að í
1 dekara lands, með 20 cm. jarðvegsdýpt
er bundið 533 kg. köfnunarefni (N), 142
kg. fosfórsýru (Pa On), 65 kg. kalí (K2O)
og 667 kg. kalk (saltsýruleys.), allt miðað
við hreint efni. —
Auk þess sýndu rannsóknir að undirlag-
ið — leirbotninn — var mjög ríkur af
jurtanærandi efnum, einkum af kalki.
I öðru sýnishorni af sömu jarðvegsdýpt,
þar sem blautlendara hafði verið, reyndist
jafnvel enn glæsilegri útkoma við efna-
greiningu, eða á einum dekara 1175 kg.
köfnunarefni 130 kg. fosfórsyra, 39 kg. kalí
og 1101 kg. kalk.
Jarðvegslagið er að komið frá hærri stöð-
um nágrennisins, bæði með leysingarvatni
og vindum, svo þetta mýrarflæmi, sem eitt
sinn var hafsbotn, er ein stór og mikil
safnþró geysilegra verðmæta. Tilrauna-
starfsemin á Mæri hefur því opinberað
hinum tækni-auðuga nútíma, hvers má
vænta af mýraræktun framtíðarinnar.
Dvölin á Mæri er liðin. — Við höfum
setið góða stund hæzt á Mærishaug og
hlýtt á fróðleiksmola úr myndunarsögu
landsins, og um ræktun Mærismýrar, sem
brosir nú prúðbúin við okkur, hamingju-
söm eftir að vera laus við álagahaminn. —
Og við hugsum heim til allra okkar
óleystu „Mærismýra.“ — Hvenær kemur
að þeim?
Trúin á okkar kæra heimaland fær aukna
lífsmagnan. —
Við crum hamingjusamir yfir að vera
til og geta dáðst að náttúrufegurðinni á
þessum stað og að þeim lífsmöguleikum
heima, sem Mærismýrin hefur staðfastlega
opinberað okkur. —
F R E Y R
fimmtíu ára
271