Tímarit Máls og menningar - 01.12.1974, Qupperneq 62

Tímarit Máls og menningar
námicf aðeins haustmánuðina, sótti fyrirlestra fyrir liádegi fyrsta mánuðinn
eða svo. Ég sótti þó tíma hjá Lárusi Bjarnasyni.
— Varstu þá farinn að starfa að stjórnmálum?
■—■ Þótt ég yrði undir eins vinstri sinnaður í stjórnmálum, mjög vinstri
sinnaður, aflaði ég mér ekki þekkingar á því sviði fyrr en 1919, að ég fór
að lesa sósíalistisk rit, sem ég komst yfir. Það ár gekk ég í jafnaðarmanna-
félagið í Reykjavík.
— Varstu þá orðinn kunnugur Ólafi Friðrikssyni?
— Ég kynntist Ólafi Friðrikssyni ekki að ráði fyrr en 1919. Áður hafði
ég aðeins þekkt hann fyrir annan mann. Ólafur hafði feiknalega mikil per-
sónuleg áhrif. 1 viðræðum manna á milli var liann ákaflega laginn að telja
menn á sitt mál.
— Hvenær stofnuðuð þið Alþýðublaðið?
— Um haustið 1919 sagði Ólafur Friðriksson okkur frá því, að hann
hefði stungið upp á því við Alþýðuflokkinn, að hann gæfi út dagblað. Hann
spurði mig, Hendrik Ottósson. Sigurð Jónasson og Dýrleifu Árnadóttur, hvort
við vildum leggja honum lið. Talaðist svo til, að við fjögur fórum að vinna
að því með Ólafi að stofna Alþýðublaðið. Ólafur átti mestan þátt í því, að
blaðið hóf göngu sína. Hann þvældi þessi mál fram og aftur við stjórn flokks-
ins og Sigurjón Ólafsson, sem varð afgreiðslumaður þess. Þeir Ólafur voru
einu launuðu starfsmenn blaðsins. Við hin fengum ekki laun fyrir fyrirhöfn
okkar fyrst í stað, og sum aldrei.
— Hvenær kom fyrsta tölublað Alþýðubhðsins út?
— Fyrsta blaðið kom út 29. október 1919. Það var ágætt að vinna með
Ólafi Friðrikssyni að öðru leyti en því, að hann var spretthlaupari. Hann
skrifaði stundum tiltekna grein í hlaðið dag eftir dag, en stakk svo ekki
niður penna dögum saman. Þá féll það í minn hlut að koma blaðinu út.
Alþýðublaðið var prentað í Gutenberg. Þar var ég alltaf mættur kl. 8 á
morgnana. Þegar eyður voru í blaðinu þurfti ég að fylla upp í þær. Ég safn-
aði fréttum og skrifaði greinar um hvað eina. Stundum þurfti ég að skrifa
undan þremur setjurum og setja kannski fjórðu greinina sjálfur, til að
blaðið gæti komið út kl. 12 á hádegi.
— Hvor ykkar Ólafs skrifaði flesta leiðarana?
— Ólafur skrifaði mikið af leiðurunum. Þar eð blaðið var lítið, skrifuð-
um við sjaldan langar greinar. Fyrir kosningarnar 1920 var enginn leiðari
skrifaður í hlaðið, heldur ónotalegar smágreinar í stað þeirra. Þá var það,
188