Skírnir - 01.04.2000, Qupperneq 74

68
ATLI HARÐARSON
SKÍRNIR
hrósað fyrir skáldagáfu og hagleik37 en lítið gert úr stjórnvisku
hans og stundum er hann nánast spaugilegur, t.d. þegar Sunn-
lendingar snúa út úr kvæðinu sem hann orti um Skúla jarl.38
Snorri er líka tvístígandi og hálfrolulegur þegar Oddaverjar deila
við Haukdæli. Hann lofar þeim fyrrnefndu fyrst liðsinni en hætt-
ir svo við þegar Sighvatur bróðir hans hefur talað hann til. Sig-
hvatur gerir svo stólpagrín að Snorra þegar hann segir frá þessu.
En Sighvatur segir að Snorri hefði öxi reidda um öxl svo hvassa að hann
ætlaði að hvatvetna mundi bíta þá er þeir fundust. „Síðan tók eg hein úr
pússi mínum og reið eg í eggina svo að öxin var svo slæ að hló á móti
mér áður við skildum."39
Fleira mætti tína til sem sögumaður Sturlungu segir og segir ekki
til þess að gera lítið úr höfðingjanum, sagnamanninum og stór-
skáldinu Snorra Sturlusyni. Nærtækasta skýringin á þessu eru
stjórnmálaskoðanir Snorra. Hann var talsmaður goðaveldisins og
eins og áður er rakið birta rit hans meðvitaða andstöðu við
stjórnmálahugsjónir Sturlunga sögu.
Að vísu var Snorri handgenginn konungi.
Gaf Hákon konungr honum lends manns nafn. Töluðu þeir [Skúli] jarl
margt um mál manna á Islandi. Var þá fyrsta sinni rætt af jarli, at Snorri
skyldi koma landinu undir Hákon konung.40
En hverju sem Snorri hefur lofað þeim Hákoni konungi og Skúla
jarli varð hann ekki til þess að efla vald konungs á Islandi.
En engu kom Snorri áleiðis við landsmenn. Flutti hann ok lítt.41
Sturla Sighvatsson og Örlygsstaðabardagi
Lýsingin á Sturlu Sighvatssyni er alger andstæða við lýsinguna á
Snorra. Hann er aðalhetja sögunnar. Samt gerði Sturla ýmislegt
37 Sjá t.d. sama rit, bls. 254, þar sem segir: „Hann gerðist skáld gott og var hagur
á allt það er hann tók höndum til_“
38 Sama rit, 264.
39 Sama rit, 269-270.
40 Sturla Þórðarson (Hákonar saga gamla) 1957:70.
41 Samarit, 71.