Tímarit Máls og menningar - 01.02.2009, Blaðsíða 16

H j á l m a r S v e i n s s o n
16 TMM 2009 · 1
borgarhverfi með blandaðri byggð. En byggingarfélagið Eykt var með
miklu stærri plön og á endanum var því afhent skipulagsvaldið. Engar
kröfur voru gerðar um að við hönnun hverfisins væri tekið mið af
„byggingarhefðum og sögu staðarins“. Hér var heldur ekkert hugsað um
félagslegan jöfnuð því hagsmunir íbúa í nágrenninu voru virtir að vett-
ugi, allt varð að lúta hagsmunum hinna „kröfuhörðu“, tilvonandi kaup-
enda. Það getur heldur ekki talist vottur um ábyrga umhverfisstefnu að
sérstök áhersla skuli vera lögð á gnægð bílastæða í borg þar sem eru
þegar fleiri bílastæði á íbúa en þekkist nokkurs staðar á byggðu bóli.
Eftir á að hyggja er það líka dæmi um slæman pólitískan kúltur að svo
stór ákvörðun um skipulag, sem kemur til með að hafa mikil áhrif á
umhverfið í marga áratugi, skuli keyrð í gegn með svo naumum meiri-
hluta.
Þetta var á þeim tíma þegar borgarstjórinn í Reykjavík, Vilhjálmur Þ.
Vilhjálmsson, og bæjarstjórinn í Kópavogi, Gunnar I. Birgisson, met-
uðust góðlátlega um það í fjölmiðlum hvor yrði fljótari að láta byggja
hæsta turn landsins. Þetta var árið 2007. Gunnar vann. Eftir stendur
heilmikil auðn kennd við Höfðatorg og tómur turn. Íbúar í Túnum full-
yrða að búið sé að eyðileggja hverfið þeirra. Búið er að kaupa upp all-
mörg hús því spekúlantar veðjuðu á að hér yrði næsta niðurrifs- og
uppbyggingarhverfi. Húsin eru leigð erlendu verkafólki til bráðabirgða
og er lítið hirt um þau.
TMM_1_2009.indd 16 2/11/09 11:27:25 AM