Tímarit Máls og menningar - 01.02.2009, Blaðsíða 18

H j á l m a r S v e i n s s o n
18 TMM 2009 · 1
lega vott um faglegan metnað, en ekki er að sjá að það hafi skilað mikl-
um árangri. R-listann virðist hafa vantað staðfestu til að standa við eigin
stefnu.
Höldum að lokum suður í Hafnarfjörð. Á leiðinni sjáum við splunku-
nýtt hverfi, svokallað Akraland sunnan í Arnarnesi. Þar virðist ekki búa
ein sála. Það vekur líka athygli að húsin þarna, sem munu vera verðlögð
hátt vegna staðsetningar, eru í mjög einsleitum gámastíl. Þetta hverfi var
byggt af eignhaldsfélaginu Hansa. Við höldum áfram, keyrum niður
Reykjavíkurveg, framhjá einum fallegasta lystigarði landsins, Hellis-
gerði, og þegar komið er niður að höfn blasir við þétt hverfi nýrra fjöl-
býlishúsa, svokallaður norðurbakki. Þarna var Bæjarútgerðin áður en
lítil áhersla virðist hafa verið lögð á að láta timburhúsabyggðina í hraun-
inu þarna fyrir ofan vera innblástur við enduruppbygginguna. Það er
sérkennilegt svo ekki sé meira sagt. Gamla hraunbyggðin í Hafnarfirði
á heima á heimsminjaskrá UnESCO, rétt eins og fjölmörg gömul sjáv-
arpláss á norðurlöndum. Það er líka sláandi hve háar nýbyggingarnar
ofan við Vestur götu verða. Þarna er verið að selja útsýni til sjávar á
kostnað íbúa í gamla hverfinu. Hér er þéttingin að verki í bókstaflegum
skilningi. Húsin á norðurbakka gætu verið hvar sem er í heiminum. Það
vekur athygli að enginn virðist vera fluttur í hverfið, þegar þetta er skrif-
að um áramótin 2008–9, nema Sjálfstæðisflokkurinn með skrifstofu
sína.
Árin sem við erum að kveðja einkenndust af samkeppni en ekki
samráði. Það hefur komið í ljós að sveitarfélögin höfðu hvert sína skipu-
lagsstefnu. Þar gekk einna lengst bæjarstjórinn í Kópavogi sem kunnugt
er. Metnaður hans til þéttingar virðist ekkert hafa náð til samfélagslegr-
ar ábyrgðar eða löngunar til að skapa manneskjulegt umhverfi. Þessi ár
skilja eftir sig mikið af fullbyggðu en óseldu húsnæði. Þar liggur feikna
mikið fjármagn, miklar skuldir og veruleg vandræði sveitarfélaganna.
Strax árið 2005 voru skýr teikn á lofti um að hér væru alltof margir
byggingarkranar að verki. Tveimur árum síðar voru þau teikn himin-
hrópandi. Samt var haldið áfram að byggja og byggja. Í Reykjavík voru
turnbyggingar Höfðatorgsins samþykktar, bæjarstjórinn í Kópavogi
stóð í illdeilum við íbúasamtök og nágrannasveitarfélög vegna stór-
felldra uppbyggingaráforma í grónu hverfi og bæjarstjórnin í Hafnarfirði
samþykkti með fjórum atkvæðum gegn atkvæðum minnihlutans
byggingu tveggja 7 hæða turna við gömlu Strandgötuna þar í bæ. Allt í
nafni þéttingar byggðarinnar og þar með umhverfisvænnar stefnu. Það
var staðalsvar sveitastjórnarmanna á höfuðborgarsvæðinu árið 2007 við
allri gagnrýni. Eftir á að hyggja er engu líkara en að uppbyggingin hafi
TMM_1_2009.indd 18 2/11/09 11:27:25 AM