Tímarit Máls og menningar - 01.02.2009, Blaðsíða 19

S k i p u l a g a u ð n a r i n n a r
TMM 2009 · 1 19
verið drifin áfram af blindum öflum. Fyrirhyggjan var engin. Flest
byggingarfélaganna munu nú vera gjaldþrota.
Skoðum Strandgötuna í Hafnarfirði, þessa gömlu götu í eina heillega
miðbænum á höfuðborgarsvæðinu fyrir utan miðbæinn í Reykjavík.
Gáum fyrst að stefnumótun í aðalskipulagi Hafnarfjarðar fyrir árin
2005 til 2025. Þar stendur meðal annars að „sérkenni Hafnarfjarðar
[skuli] varðveitt og megindrættir bæjarmyndarinnar styrktir með
áherslu á fallega og heildstæða bæjarmynd“. Þar er líka talað um eigin-
leika og yfirbragð og menningararfleifð. Stefnan er sem sagt nokkuð
skýr og undirskrifuð af bæjarstjóranum Lúðvík Geirssyni. En það vekur
athygli að á lóðunum 24 til 26 er mikið gap þar sem áður voru hið forn-
fræga Hafnarfjarðarbíó og Kaupfélag Hafnarfjarðar. Þarna hafði verið
unnið deiliskipulag sem gerði ráð fyrir fjögurra hæða húsum sem
mynduðu tengsl milli hinnar klossuðu verslunarmiðstöðvar Fjarðarins
og hraunbyggðarinnar fyrir ofan Strandgötu. Fyrrnefndur Hansa­hópur
eignaðist reitinn og hafði allt aðrar hugmyndir. Hann kynnti fyrst áætl-
anir um að byggja þarna tvo 12 hæða turna en lækkaði þá niður í 9
hæðir á svokallaðri forstigskynningu sem hann fékk að halda vorið
2007. Þeim plönum var mótmælt harðlega, meðal annars af stjórnum
Sjálfstæðisfélaganna í Hafnarfirði sem töldu að turnarnir pössuðu ekki
inn í heildarmyndina og að þeir sköpuðu bæði skugga og vindstrengi.
Leikar fóru svo að Hansa­hópurinn lækkaði turnana um tvær hæðir og
sú tillaga var samþykkt með atkvæðum meirihlutans í lok árs 2007.
Þessa aðferð Hansa­hópsins mætti kalla „sjokk-treatment“. Hún felst í
því að kynna fyrst tillögu að húsum í ofurstærð en gefa síðan nokkrar
hæðir eftir niður í þá hæð sem alltaf var stefnt að. Með því móti finnst
bæjaryfirvöldum, og bæjarbúum stundum líka, að þeim beri að koma til
móts við svo mikla tilslökun að ekki megi slá á útrétta sáttahönd.
Í útvarpsþættinum Krossgötum 10. maí 2008 gagnrýndi Jónatan
Garðarsson bæjarstjórnina harðlega fyrir að virða ekki sitt eigið deili-
skipulag, fyrir að afsala sér skipulagsvaldinu til byggingarfélags sem
TMM_1_2009.indd 19 2/11/09 11:27:26 AM