Skýrsla miðstjórnar Alþýðusambands Íslands um starf sambandsins 1946-1948 - 14.11.1948, Side 113

Nýr kjarasamningur Verkamannafélags AkmeyrarkaupstaSar
Þann 29. ágúst var undirritaður nýr kjarasamningur milli Verka-
mannafélags Akureyrarkaupstaðar annars vegar og atvinnurekenda á
Akureyri hins vegar. Hinn nýi samningur er í öllum aðalatriðum í
samræmi við hin nýju Dagsbrúnarkjör og er Verkamannafélag Ak-
ureyrarkaupstaðar fimmta félagið, sem nær sömu kjörum og Dags-
brún.
Nýr samningur Einingar á Akureyri
Þann 3. sept. tókust samningar um kaup og kjör milli Verka-
kvennafélagsins Einingar og atvinnurekenda á Akureyri. Samkvæmt
hinum nýju samningum hækkaði grunnkaup verkakvenna 1 almennri
vinnu úr kr. 1.80 í kr. 1.90 á klst. Síldar- og íshúsvinna og vinna
við þvott og hreingerningar hækkaði úr kr. 1.96 í kr. 2.07 á klst.
Vinnustöðvun hafði verið boðuð af hálfu Einingar frá og með 4.
sept., en til hennar kom ekki þar eð samningar náðust áður.
Nýr samningur verkakvenna í Eyjum
Þann 12. sept. var undirritaður nýr kjarasamningur milli Verka-
kvennafélagsins Snótar í Vestmannaeyjum og atvinnurekenda þar.
Samkvæmt þessum nýja samningi hækkaði grunnkaup verkakvenna úr
kr. 1.89 í kr. 2.00 á klst. Eftirvinna greiðist með 50% álagi á dag-
vinnukaup og nætur- og helgidagavinna með 100% álagi á dag-
vinnukaup. Samningurinn gildir til 1. jan. 1948 og framlengist þá
um eitt ár hafi honum ckki verið sagt upp með mánaðar uppsagnar-
fresti.
Þetta er í fyrsta skipti, sem gerður er samningur um kaup og kjör
kvenna í Eyjum við alla stærstu atvinnurekendurna þar samtímis.
Nýr kauptaxti málarasveina
Málarasveinafélag Reykjavíkur samþykkti á fundi félagsins 19. sept.
að lágmarkskaup félagsins skyldi hækka úr kr. 3.35 upp 1 kr. 3.50 á
klst. í dagvinnu. Eftirvinna reiknast með 60% álagi á dagvinnukaup
og nætur- og helgidagavinna með 100% álagi.
113
8